«Բարսելոնա»-ի հարձակվող Նեյմարը հրաժարվել է աշխարհի ամենաբարձր վարձատրվող ֆուտբոլիստը դառնալ ՊՍԺ-ում:
Ինչպես հայտնի է, փարիզյան ակումբի առաջատար Զլատան Իբրահիմովիչը հեռանում է թիմից: Այժմ փարիզցիները նոր հարձակվող են փնտրում:
Marca-ի տեղեկությունների համաձայն` ՊՍԺ-ի ներկայացուցիչները հանդիպել են Նեյմարի գործակալի հետ, սակայն չեն կարողացել համաձայնության հասնել ֆուբոլիստի տեղափոխության հարցում:
Փարիզցիները Նեյմարին շահավետ պայմանագիր են առաջարկել, համաձայն որի վերջինս կդառնար աշխարհի ամենաբարձր վարձատրվող ֆուտբոլիստը: Նեյմարը, սակայն, մերժել է:
Հիշեցնենք, որ նախորդ մրցաշրջանում Նեյմարը 49 հանդիպում է անցկացրել «Բարսելոնա»-ի կազմում` դառնալով 31 գոլի և գոլային 16 փոխանցման հեղինակ: