Բայդենի կողմից Ցեղասպանության ճանաչումը հայերի սիրուն աչքերի համար չէ, բայց կարող ենք դրանից օգտվել: Այս մասին «Առաջին լրատվական»-ի տաղավարում հրավիրված քննարկման ժամանակ նշեց «Արդար Հայաստան» կուսակցության անդամ Սամվել Պողոսյանը: Քննարկման բանախոսներից «Ժառանգություն» կուսակցության նախագահ Նարինե Դիլբարյանն էլ նկատեց․ «Բայդենի այս քայլը առանց հորթային հրճվանքի պետք է ընդունել ի գիտություն»:
Սամվել Պողոսյանի կարծիքով՝ Ամերիկան ու Ֆրանսիան տարածաշրջանում ակտիվանում են․«Հուսանք՝ ՀՀ-ի համար լավ ժամանակներ են»:
Անդրադառնալով առաջիկա արտահերթ ընտրություններում մասնակցության ձևաչափին, Սամվել Պողոսյանը հայտնեց, որ «Արդար Հայաստանը» հակված չէ դաշինքով գնալ ընտրությունների: Նարինե Դիլբարյանն էլ ավելացրեց, որ «Ժառանգություն»-ը նույնպես հնարավոր է ընտրություններին մասնակցի միայնակ:
Դիլբարյանի խոսքով՝ մեզ արհեստականորեն պարտադրվում են երկբևեռ ընտրություններ․«Փաշինյանն ու Քոչարյանը ֆուտբոլ են խաղում»:
Սամվել Պողոսյանը մտահոգություն հայտնեց, որ եթե ժողովուրդը ընտրի հներին, ուրեմն մեր երկիրը ապագա չունի:
Մանրամասները՝ տեսանյութում