Միացյալ Թագավորության դեսպանությունն իր զորակցությունն է հայտնում Լոռու և Տավուշի մարզերի հեղեղներից տուժած բնակիչներին ու ցավակցում զոհվածների ընտանիքներին։ Դեսպանություն այս մասին հայտնել է «Ֆեյսբուք»-ի իր էջում։
«Մենք ուշադիր հետևում ենք իրավիճակին և գնահատում այս պահին ՀՀ իշխանությունների գործադրած ջանքերը»,- նշված է հաղորդագրության մեջ:
Հորդառատ անձրևներիից Լոռու և Տավուշի մարզերում, Երևանում, ինչպես նաև Դեբեդ, Աղստև, Տաշիր գետերի վարարման հետևանքով հեղեղումների առաջացրած արտակարգ իրավիճակի կառավարման նպատակով վարչապետ Նիկոլ Փաշինյանի որոշմամբ ձևավորվել է օպերատիվ շտաբ՝ ՀՀ տարածքային կառավարման և ենթակառուցվածքների նախարար Գնել Սանոսյանի գլխավորությամբ: