Քրիստոնեա-դեմոկրատական կուսակցության նախագահ Լևոն Շիրինյանի կարծիքով՝ լութոկրատական իշխանությունը վերադարձի նպատակ ունի․ «Նրանք արտաքին պատվեր ունեն»:
«Քոչարյանի թեման փակված է, նրա նկատմամբ միայն ատելություն է: Նա բացահայտ չի կարող խաղի մեջ մտնել: Քոչարյանը խոսում է Շուշիից, Հադրութից, գերիների վերադարձից, բայց այդ թեման Պուտինի տիրապետության տակ է, որն էլ հարցի լուծումը հիմա չի ուզում»,-«Առաջին լրատվական»-ի հետ զրույցում նման տեսակետ հայտնեց Շիրինյանը:
Ըստ Լ․ Շիրինյանի՝ Ռուսաստանը մեկուսացել է ու այդ մեկուսացման մեջ հակադրվել աշխարհին․ «Ամերիկացիները ռուսաստանին զսպելու քաղաքականություն են վարում»:
Անդրադառնալով առաջիկա ընտրություններին և սպասվող զարգացումներին, Շիրինյանը նկատեց․ Եթե ոստիկանությունն ու ԱԱԾ-ն այս անգամ տեղում չլինեն, Հայաստանը կվերանա, ընտրությունները ողբերգական ավարտ կունենան:
Զրույցի վերջում Լևոն Շիրինյանը անդրադարձավ նաև Սյունիքում տեղի ունեցած միջադեպին: Նրա խոսքով՝ Սյունիքում մաֆիայի դիմադրություն էր․ «Այնտեղ Հայաստանում հարստացած խուժան շերտ կա»:
Շիրինյանը առաջարկում է, որ վարչապետ Նիկոլ Փաշինյանը մոտ օրերս Սյունիքում արտագնա նիստ հրավիրի:
Մանրամասները՝ տեսանյութում
