Հայաստանի ֆուտբոլի ֆեդերացիայի նախագահ Ռուբեն Հայրապետյանը Facebook սոցիալական ցանցի իր էջում պատասխանել է երկրպագուների հարցերին` կապված Սերբիայի ընտրանու հետ մեր հավաքականի ցուցադրած խաղի հետ:
«Գոհ եմ և շատ ուրախ, որ մենք ունենք հուսալի ռեզերվ: Մեր մարզիչը սերբերի դեմ դաշտ դուրս բերեց նորեկներին, որպեսզի պաշտոնական խաղերին նրանց համար նորություն չլինի խաղալ ազգային հավաքականում: Մարզիչն ամեն ինչ շատ ճիշտ է անում:
Ես հասկանում եմ ձեր հետաքրքրության պատճառը Մելիքսեթյանի նկատմամբ: Նա չի կարող փոխարինել Բերեզովսկուն: Տղաները շատ փայլուն խաղացին, բայց նրանց խաղի վրա ստվեր գցեց Մելիքսեթյանը: Ցավում եմ, բայց դուք Մելիքսեթյանին այլևս չեք տեսնի հավաքականի մարզաշապիկով»,- նշել է Հայրապետյանը:
Հիշեցնենք, որ մեր ընտրանին փետրվարի 28-ին պարտվեց Սերբիայի հավաքականին (0:2), իսկ հաջորդ օրը պարտության մատնեց Կանադայի ազգային թիմին (3:1):
