Դալլաս, ԱՄՆ
Մարզադաշտ «Դալլաս»
L խումբ, առաջին տուր
Անգլիա-Խորվաթիա` 4:2
Մունդիալի հիմնական ֆավորիտ համարվող Անգլիայի հավաքականի առաջին մրցակիցը այս մրցաշարի ուժեղագույն ընտրանիներից մեկն էր` Խորվաթիայի հավաքականը: «Արմենպրես»-ի հաղորդմամբ` գոլառատ այս խաղում ընդհանուր առմամբ խփվեց 6 գնդակ: Անգլիայի հավաքականից աչքի ընկան Հարի Քեյնը (դուբլ), Ջուդ Բելինգեմն ու Մարկուս Ռեշֆորդը: Խորվաթներից գոլերը հեղինակեցին Մարտին Բատուրինան ու Պետեր Մուսան:
Տեսանյութը` այստեղ:
Տորոնտո, Կանադա
Մարզադաշտ «Տորոնտո»
L խումբ, առաջին տուր
Գանա-Պանամա` 1:0
Աշխարհի առաջնության այս խաղում Գանայի միակ ու հաղթական գոլը խփեց Կալեբ Կիրենկինը, այն էլ հանդիպմանը ավելացված ժամանակում: Այժմ այս խմբում առաջատարները 3-ական միավորով Անգլիայի ու Գանայի հավաքականներն են: Դեռևս միավոր չունեն Պանաման ու Խորվաթիան
Մեխիկո, Մեքսիկա
Մարզադաշտ «Մեխիկո»
K խումբ, առաջին տուր
Ուզբեկստան-Կոլումբիա` 1:3
Իրենց նորամուտն աշխարհի առաջնությունում տոնող ուզբեկները մեկնարկային խաղում զիջեցին Կոլումբիային 1:3 հաշվով: Կոլումբիայի կազմում գոլերը հեղինակեցին Դանիել Մունոսը, Լուիս Դիասը, Խամինտոն Կամպազը: Ուզբեկստանի համար պատմական առաջին գոլը Մունդիալների պատմության մեջ խփեց Աբբոսբեկ Ֆայզուլաևը:
