Տաշքենդում ընթացող ծանրամարտի աշխարհի առաջնությունում այսօր պայքարը կսկսեն Հայաստանի ներկայացուցիչները։ Քիչ անց մրցահարթակ դուրս կգա 81 կգ քաշային Ռաֆիկ Հարությունյանը։ Վաղը ժամը 15:00-ին Անդրանիկ Կարապետյանը 89 կգ քաշային կարգում:Դեկտեմբերի 14-ին աշխարհի առաջնությունում Հայաստանն ունի միանգամից երկու ներկայացուցիչ: 96 կգ քաշում B ենթախմբում 12:00-ին կմրցի Դավիթ Հովհաննիսյանը, իսկ 15:00-ին` Հակոբ Մկրտչյանը A խմբում:Դեկտեմբերի 15-ին ժամը 18:00-ին 102 կգ քաշում A խմբում Սամվել Գասպարյանը և Արսեն Մարտիրոսյանը կփորձեն մեդալներ նվաճել: Կանանց` 81 կգ քաշի A ենթախմբում պայքարի մեջ կմտնի Տաթև Հակոբյանը: Մրցելույթի մեկնարկը կտրվի 15:00-ին:Դեկտեմբերի 16-ին ժամը 15:00-ին 109 կգ քաշում կմեկնարկի Սիմոն Մարտիրոսյանը: Եվ դեկտեմբերի 17-ին գերծանր քաշային կարգի ծանրորդների մեջ մեդալների համար կպայքարեն Վարազդատ Լալայանը և Գոռ Մինասյանը: Մրցելույթի մեկնարկը՝ 15:00-ին:
Տաշքեդի աշխարհի առաջնությունում մեր հավաքականը բավական ուժեղ կազմով է ներկայացել։ Բացառությամբ B խմբում հայտավորված Դավիթ Հովհաննիսյանի և Տաթև Հակոբյանի, մյուս 8 ծանրորդներին կարելի համարել մեդալի իրական հավակնորդներ։ Ոսկե մեդալ ակնկալում ենք Սիմոն Մարտիրոսյանից, որ Տոկիոյի օլիմպիական խաղերում բավարարվեց արծաթե մեդալով։ Սա լավ հնարավորություն է Մարիտրոսյանի համար ապացուցելու որ հանդիսանում է աշխարհի ուժեղագույն ծանրորդներից մեկը։ Նշենք, որ Մարտիրոսյանը աշխարհի կրկինակի չեմպիոն և ռեկորդակիր է։ Բարձր արդյունք ենք սպասում նաև Գոռ Մինասյանից։ Վերջինս վերջին խոշոր մրցաշարերում փորձում էր ձեռնոց նետել այս քաշային կարգում հավասարը չունեցող վրացի Լաշա Տալախաձեին։ Ամեն դեպքում Մինասյանից առնվազն արծաթե մեդալ ակնկալում ենք։ Սպասելիքները մեծ են նաև Վարազդատ Լալայանից, աշխարհի չեմպիոն Հակոբ Մկրտչյանից, Սամվել Գասպարյանից, Արսեն Մարտիրոսյանից և վերջապես Անդրանիկ Կարապետյանից։ Վերջինս ունենալով մեծ պոտենցիալ խոշոր մրցաշարերում տարբեր պատճառներով մեծ հաղթանակների չի հասել։
Հուսով ենք որ Կարապետյանին կհաջողվի այս անգամ բարձր արդյունքի հասել։ Ընդհանուր առմամբ այս առաջնությունից մեր հավաքականից ակնկալում ենք առնվազն 3-4 մեդալ։ Աշխարհի նախորդ առաջնությունը կայացել էր Թաիլանդի Պատտայա քաղաքում՝ 2019թ. սեպտեմբերին: Մասնակից 84 երկրների 734 մարզիկ – մարզուհիները այն ժամանակ սահմանել էին համաշխարհային 23 ռեկորդ: Դրանցից անմասն չէր մնացել մեր երկրի հավաքականը: 109 կգ քաշային կարգում, երկամարտի 429կգ արդյունքով, աշխարհի չեմպիոնի կոչումը նվաճելուց բացի, Սիմոն Մարտիրոսյանը պոկում վարժությունում բարձրացրել էր ռեկորդային ՝ 199կգ ծանրաձողը: Նրանից բացի չեմպիոն դարձավ և նաև Հակոբ Մկրտչյանը: Նա երկամարտում լավագույնն էր 375 կգ արդյունքով:Աշխարհի փոխչեմպիոն էր դարձել Գոռ Մինասյանը 460 կգ կգ արդյունքով: Նույն քաշային կարգում երկամարտի 437 կգ արդյունքով բրոնզե մեդալ էր նվաճել Ռուբեն Ալեքսանյանը:
Սա լուրջ նվաճում էր, որի արդյունքում մեր թիմը գրավել էր պատվավոր երրորդ տեղը: Կապված դոպիկ սկանդալի հետ Տոկիոյի օլիմպիական խաղերում Հայաստանի տրված էր ընդամենը մեկ տեղ։ Այս առաջնությունը հնրավորություն է նաև ստուգելու հայկական ծանրամարտի ներկայիս պոտենցիալը։
