Մադրիդի «Ատլետիկո»-ի կիսապաշտպան Արդա Թուրանն Իսպանիայի Լա Լիգայի 19-րդ տուրում կատալոնական «Բարսելոնա»-ի հետ ոչ-ոքի արդյունքից հետո (0:0) նշել է, որ մրցակցի հարձակվող Լիոնել Մեսսիին համարում է աշխարհի լավագույն ֆուտբոլիստը:
Հիշեցնենք, որ «Ոսկե գնդակ»-ի քառակի դափնեկիրը 2013 թվականի արդյունքներով նույնպես հավակնում է այդ պարգևը ստանալուն: Մրցանակի հանձնման հանդիսավոր արարողությունը տեղի է ունենալու վաղը, Ցյուրիխում, և սկսվելու է Երևանի ժամանակով 21:30-ին:
«Մեսսին մեր մոլորակի ֆուտբոլիստ չէ, նա այլմոլորակային է: Ես կարծում եմ, որ նա լավագույնն է ֆուտբոլի պատմության մեջ»,- Թուրանի խոսքերը մեջբերում է goal.com-ը:
