Անգլիական «Մանչեսթեր Յունայթեդ»-ի հարձակվող Ռադամել Ֆալկաոն հայտարարել է, որ կփորձի անել ամեն բան, որպեսզի լրագրողները չկարողանան քննադատել նրա խաղը:
«Երբ կարողանամ գոլեր խփել, քննադատողները կլռեն: Իհարկե, քննադատները ֆուտբոլիստներին օգնում են ավելի բարգավաճել, սակայն ես չպետք է թույլ տամ, որպեսզի վերջիններս կարողանան ինձ կոտրել:
Հանդես եմ եկել 5 խաղերում, որից 3-ը` մեկնարկային կազմում: Ինձ խաղաժամանակ է պետք: Կարծում եմ, որ ես լավ եմ հանդես եկել այդ խաղերում: Ինձ լավ եմ զգում թիմում»,- հայտարարել է Ֆալկաոն:
