Իսպանական AS հանդեսի տեղեկացմամբ` Մադրիդի «Ռեալ»-ը մոտ ժամանակներս «Սանտիագո Բեռնաբեո» մարզադաշտի վերակառուցման մի քանի ծրագիր կքննարկի:
Հիշեցնենք, որ «Ռեալ»-ի նախագահ Ֆլորենտինո Պերեսի գլխավոր նպատակն այնպիսի մարզադաշտի ստեղծումն է, որը կմարմնավորի ակումբի «ոգին և լեգենդար պատմությունը»: Սպասվում է, որ մարզադաշտի վերակառուցումը կավարտվի 2014 թվականին:
Ըստ Marca-ի` ակումբը պատրաստվում է բաց թանգարան ստեղծել մարզադաշտի կողքին գտնվող տարածքում, ընդլայնել մարզադաշտի անվճար ավտոկայանատեղիի տարածքը, ավելացնել մարզադաշտի տարողությունը, ինչպես նաև «Սանտիագո Բեռնաբեո»-ում ստեղծել շարաժական տանիք: Ըստ նախնական տվյալների` այդ ծախսերը կազմելու են 300-350 մլն եվրո:








































