Ինչպես արդեն տեղեկացրել էինք Հոլանդիայի Վեյկ-ան-Զեե քաղաքում ընթացող ավանդական սուպերմրցաշարի 10-րդ տուրում Հայաստանի ուժեղագույն շախմատիստ Լևոն Արոնյանը սև ֆիգուրներով ոչ-ոքի խաղաց Հոլանդիայի ներկայացուցիչ Անիշ Գիրի հետ: Ոչ-ոքի ավարտվեց նաև Սմիթս-Կրամնիկ պարտիան: Մյուս երկու առաջատարները ` Նակամուրան ու Անանդը սպիտակ ֆիգուրներով հաղթանակներ տարան համապատասխանաբար Վաշիե Լագրավի և Շիրովի նկատմամ: Այսպիսով 10-րդ տուրից հետո Նակամուրան ու Անանդը վաստակած 7-ական միավորով գլխավորում են մրցաշարային աղյուսակը: Նրանցից կես միավորով են ետ մնում Արոնյանն ու Կրամնիկը: Տուրի մյուս պարտիաներում գրանցվեցին հետևյալ արդյունքները.
Պոնոմարյով – Գրիշչուկ 1-0
Լ’Ամի – Վանգ Հաո 0-1
Կարլսեն – Նեպոմնյաշչի 0-1:
B խմբում հանդես եկող Գաբրիել Սարգսյանը կրեց իր առաջին պարտությունը: Սարգսյանը սև ֆիգուրներով զիջեց Լիմին և հիմա կես միավորով հետ է մնում առաջատարներ Սոյից և Եֆիմենկոյից: 10-րդ տուրի մնացած պարտիաներում գրանցվեցին հետևյալ արդյունքները.
Ֆրեսինե – Սփուլմեն 0-1
Լի Չաո – Նավարա 0-1
Տկաչեւ – Սո 1/2
Նիյբոեր – Գանգուլի 0-1
Մակշեյն – Եֆիմենկո 0-1
Վոյտաշեկ – Համեր ½: