Իսպանական մամուլի տեղեկատվությամբ` ավստարալացի ավտոարշավորդ Մարկ Ուեբերը, ով հանդես է գալիս «Ռեդ Բուլ»-ի կազմում, հանդիսանում է «Ֆերարի»-ում աշխարհի կրկնակի չեմպիոն Ֆերնանդո Ալոնսոյի հետ 2013 թվականի մրցաշրջանում զույգ կազմելու հիմնական հավակնորդը:
Լրագրողների ունեցած տեղեկությունների համաձայն` Ուեբերն ու «Ֆերարի»-ն արդեն համաձայնության են եկել, սակայն հիմնական պայմանագիրը դեռևս ստորագրված չէ: Նշվում է նաև, որ Ալոնսոն, ում ազդեցությունը «Սկուդերիա»-ի որոշումների վրա անընդհատ ավելանում է, ողջունել է Ուեբերի թեկնածությունը:
Ալոնսոյի ներկայիս խաղընկերն է բրազիլացի Ֆելիպե Մասսան: Նրա` «Ֆերարի»-ի հետ պայմանագրի ժամկետն ու, միաժամանակ, Ուեբերի` «Ռեդ Բուլ»-ի հետ համաձայնագրի ժամկետը լրանում են 2012 թվականի ավարտին:
