Հենրիկ Մխիթարյանը Նոր տարին կդիմավորի Հայաստանում

Դոնեցկի «Շախտյոր»-ի և Հայաստանի հավաքականի կիսապաշտպան Հենրիկ Մխիթարյանը ակումբի մամուլի ծառայությանը տված հարցազրույցում գնահատել է Չեմպիոնների լիգայի 1/8 եզրափակիչի վիճակահանության արդյունքները և պատմել, թե` ինչպես է պատրաստվում անցկացնել Ամանորը:
Եթե գաղտնիք չէ, որտե՞ղ և ու՞մ հետ դիտեցիր Չեմպիոնների լիգայի վիճակահանությունը:
-Ցավոք, հնարավորություն չեմ ունեցել վիճակահանությանը հետևել ուղիղ եթերում, բայց անհամբերությամբ սպասում էի արդյունքներին: Հորեղբորս կինն է հեռախոսով ասել արդյունքները:
Ինչպե՞ս ես գնահատում վիճակահանության արդյունքները:
– «Ռոմա»-ն վատ թիմ չէ: Հռոմեացիների հետ երկու խաղերն է՛լ ավելի բարդ են լինելու, քան խմբային փուլի բոլոր վեց հանդիպումները: Մենք շատ լրջորեն ենք պատրաստվում: Ամեն ինչ անելու ենք առաջ անցնելու համար:
Սպասո՞մ էիր, որ «Ռոմա»-ն կհաղթի «Միլան»-ին:
-Իհարկե սպասում էի: Միլան»-ը հիմա լավ մարզավիճակում է, բայց «Ռոմա»-ն էլ «նվեր» չէ: Չնայած կարծում եմ, որ այդ խաղը մեր ու «Ռոմա»-ի հանդիպումների հետ ոչ մի առնչություն չունի: Առաջիկա երկու ամսում շատ բան կարող է փոխվել:
Ասում էիր, որ ամբողջ արձակուրդդ Հայաստանում ես անցկացնելու: Չե՞ս մտափոխվել:
-(Ժպտում է:) Դեռ մտածում եմ. հնարավոր է Ամանորին մի քանի օրով ինչ- որ տեղ գնամ, բայց, եթե չգանամ, անպայման ընտանիքիս հետ կդիմավորեմ 2011 թվականը:
Երբևէ դիմավորել ես Նոր տարին Ուկրաինայում
-Ո՛չ: Երկու անգամ էլ ամանորյա տոներին մեկնել եմ հայրենիք:
Երկու խոսքով, ինչպե՞ս են Հայաստանում նշում Նոր տարին:
-Բնականաբար, սեղան ենք գցում, շամպայն բացում: Ամանորը մեզ մոտ ընտանեկան տոն է, և այն նշում ենք մինչև հունվարի 7-ը, երբեմն ավելի երկար: Նայած ով` ինչպես: Այդ ամբողջ ընթացքում բարեկամներն ու ընկերները միմյանց հյուր են գնում:
Վերջում` օգտվելով առիթից, Հենրիկը շնորհավորեց «Շախտյոր»-ի բոլոր երկպագուների Ամանորն ու բազմաթիվ մարզական հաջողություն մաղթեց գալիք` 2011 թվականին: