Ֆուտբոլի Հայաստանի ազգային հավաքականի նախկին ավագ Հենրիխ Մխիթարյանը չի հեռանա «Ռոմայից»։ Հռոմի թիմի ղեկավարությունը ամռանը երկու տարվա նոր պայմանագիր կառաջարկի հայ ֆուտբոլիստին, հայտնում է Calciomercato-ն։ Մոտ ապագայում Մխիթարյանի գործակալ Մինո Ռայոլայի հետ կողմերը կքննարկեն պայմանագրի մանրամասները։ Նույն աղբյուրի համաձայն՝ պայմանագրի երկարաձգման հիմքում ֆուտբոլիստի աշխատավարձի կրճատում է։ Ներկայում Մխիթարյանի տարեկան աշխատավարձը 4 միլիոն եվրո է։ Նոր պայմանագրով «Ռոման» առաջարկում է Մխիթարյանին տարեկան 2 միլիոն եվրո։ Ըստ իտալական լրատվամիջոցների «Ռոման» Մխիթարյանին նոր պայմանագիր է առաջարկել թիմի գլխավոր մարզիչ Ժոզե Մոուրինյոյի ջանքերի շնորհիվ։ Իտալիայի առաջնության 29-րդ տուրի «Ուդինեզեի» դեմ հանդիպումից հետո Մոուրինյոն կրկին խոսել է Մխիթարյանի մասին, նշելով, որ առանց հայ ֆուտբոլիստի բավական դժվար էր և որ նրա տեղը զգացվում էր։
Չմեռանանք․ որ պորտուգալացի մասնագետը վեիջին շրջանում թիմի անհաջող ելույթների գլխավոր մեղավոր էր համարոել իր ֆուտբոլիստներին։ Ա Սերիայի 25-րդ տուրի «Սասուոլոյի» դեմ խաղից հետո Մոուրինյոն մասնավորապես ասել էր․ «Հենրիխ Մխիթարյանի գործողություններն իսկապես լավն էին։ Նա օտար եղավ խաղային բոլոր օղակներում։ Մխիթարյանը մեր կազմում եղած բոլոր ֆուտբոլիստներից միակն է, որը ցուցադրում է ստեղծագործ ֆուտբոլ։ Մխիթարյանի յուրաքանչյուր շարժում մտածված է։ Դա դրսևորվում է գնդակն օգտագործելով ու տարածություն գտնելով: Մխիթարյանը կարծես կերպարանափոխվել է: Կարծում եմ այս պահին նա թիմի կարևորագույն ֆուտբոլիստն է»։Մինչև «Սասուոլոյի» դեմ հանդիպումը «Ռոման» Իտալիայի գավաթի խաղարկության քառորդ եզրափակչում 2։0 հաշվով զիջելով Միլանի «Ինտերին» դուրս էր մնացել հետագա պայքարից։ Այս խաղից հետո Մոուրինյոն սուր քննադատության էր ենթարկել իր ֆուտբոլիստներին հնչեցնելով նույնիսկ վիրավորական արտահայտություններ։ Եվս մեկ կարևոր հանգամանք․ «Ռոման» Մխիթարյանին նոր պայմանագիր առաջարկեց այն բանից հետ, երբ իտալական երկու գրանդակումբներ «Ինտերն» ու «Միլանը» լուրջ պայքար են սկսեցին նրա տրանսֆերի համար։ «Ամառային տրանսֆերային պատուհանի ընթացքում Հենրիխ Մխիթարյանը կլինի ամենապահանջված խաղացողների շարքում։ Հայաստանի հավաքականի ավագը հնարավոր է հեռանա Հռոմից կարիրեան շարունակելով կամ «Ինտերում» կամ «Միլանում»։ Մխիթարյանի գործող պայմանագիրը «Ռոմայի» հետ ավարտվում է այս տարվա ամռանը, սակայն Հռոմի թիմը կարծես մտադիր չէ այն երկարաձգել։ Մխիթարայնն այն ֆուտբոլիստներից է, որը կարող է արագություն և նոր լիցքեր հաղորդել կիսապաշտպանական օղակին։ Մխիթարայնը կարող է խաղալ տարբեր դիրքերում մասնավորապես՝ 3-5-2 և 4-2-3-1 խաղային սխեմաներում։ Նա շատ արագ կհարմարվի Սիմոնե Ինձագիի և Ստեֆանո Պիոլիի մարտավարությանը»,- գրել էր Blastingnews պարբերականը։
Թե ինչ պայմաններ կառաջարկեն Մխիթարյանին «Միլանն» ու «Ինտերը»՝ հայտնի չէ։ Հավանականությունը մեծ է, որ Հայաստանի հավաքականի նախկին ավագը ֆինանսական առումով գնալով զոհողության կերկարաձգի պայմանագիրը «Ռոմայի» հետ։ Չմոռանանք, որ Մխիթարյանը 33 տարեկան է, իսկ նրա տրանսֆերային արժեքը զգալիորեն նվազել է։ Եթե ժամանակին Մխիթարյանի տրանսֆերը 35 միլիոն եվրո էր ապա հիմա, այն կազմում է ընդամենը 10 միլիոն եվրո։ Այս տարիքում նոր ակումբ գտնելն այնքան էլ հեշտ չէ։ Վերջերս Մխիթարյանը հայտարարեց Հայաստանի ազգային հավաքականից հեռանալու մասին։ Առաջիկա տարիներին հայ ֆուտբոլիստը ողջ ներուժը կկենտրոնացնի ակումբային կարիերայի վրա։ Մխիթարյանին հաջողվել է դառնալ Հռոմի թիմի առաջատարը։
Ընդունենք, որ այս կարգավիճակից հրաժարվելը այնքան էլ ճիշտ որոշում չի լինի։ Այո, «Միլանն» ու «Ինտերը» կարգով ավելի բարձր թիմեր են, բայց․․․։ Միլանյան ակումբներում մրցակցությունը բավական մեծ է և Մխիթարյանը ստիպված է լինելու պայքարել հիմնական կազմում տեղ ունենալու համար։
