Հարձակվողական ոճի կիսապաշտպանԳոռ Մանվելյանը նորամուտը նշեց ֆրանսիական «Նանտի» կազմում։ Ֆրանսիայի գավաթի խաղարկության 1/16 եզրափակչի «Վիտրեի» դեմ մրցավեճում 19-ամյա Մանվելյանը 74-րդ րոպեին փոխարինման է դուրս եկել։ 2021 թվականի ապրիլին Մանվելյանը պայմանագիր էր կնքել Ֆրանսիայի բարձրագույն՝ Լիգա 1-ը ներկայացնող «Նանտի» հետ։ Մինչ այս Մանվելյանը ելույթ էր ունեցել «Նանտի» պատանեկան, երիտասարդական և երկրորդ թիմերում։ Սա հայ ֆուտբոլիստի առաջին պերֆեսիոնալ պայմանագիրն էր հայտնի ակումբի հետ։ Այն գործելու է մինչև 2024 թվականը։ «Մեծ հպարտություն է ինձ համար։ Մանկությանս երազանքս, իրականություն դարձավ։ Անչափ ուրախ եմ, բայց առաջին հերթին ուրախ եմ, որ կարողացա ընտանիքիս հպարտության զգացողություններ ունեցավ։ Ծնողներս, եղբայրս ու քույրս միշտ կողքիս են եղել և աջակցել են ինձ։ Մարզական առումով սա մեկ քայլ առաջ է։ Հաջորդ քայլերը ևս շատ կարևոր են, դրանց պետք է մեծ պատասխանատվությամբ մոտենամ։ Ինձ այդպես են դաստիարակել, ու դա չի փոխվի կյանքիս ընթացքում»,- «Նանտի» պաշտոնական կայքին տված հարցազրույցում ասել էր Մանվելյանը։ Վերջինս ծնվել է Ստեփանակերտում այնուհետև տեղափոխվել է Ֆրանսիա։ Նրա գործակալը հայազգի Գրեգորի Մարդյանն է։ Փաստորեն, պայմանագիրը կնքելուց հետո Մանվելյանը կատարեց առաջին քայլը։
«Մարզական առումով ես նոր քայլ արեցի՝ ստորագրելով պրոֆեսիոնալ պայմանագիր և խաղալով պահեստային թիմում՝ առաջին թիմում հայտնվելուց առաջ։ Անցած մրցաշրջանում մեծ առաջընթաց եմ գրանցել և օգնել թիմին՝ խփած 17 գոլով։Առաջ ֆուտբոլը միայն երազանք էր. այժմ դա մեծ նպատակներով աշխատանք է, նպատակ, ինչպես օրինակ՝ մեծ ֆուտբոլիստ դառնալը և մի օր կրել Ֆրանսիայի հավաքականի մարզաշապիկը»,- նախօրեին LMJ պարբերականին տված hարցազրույցում ասել է Մանվելյանը։ Մինչև «Նանտի» հետ պրոֆեսիոնալ պայմանագրի կնքումը Մանվելյանը արդյունավետությամբ աչքի է ընկել դուստր թիմերում։ 17 տարեկան հասակում հայ ֆուտբոլիստը Ֆրանսիայի չեմպիոն է դարձել 19 տարեկանների թիմում։ 2020 թվականին նույն թիմի կազմում խփել է 17 գնդակ և կատարել 8 գոլային փոխանցում։ Ի դեպ, «Նանտի» պաշտոնական կայք ներկայացնելով Գոռ Մանվելյանին մասնավորապես նշել էր․ «Մանվելյանը Սպեփանակերտից է՝ (Հայաստան)»։ Նշենք, որ Մանվելյանը երբևէ չի հրավիրվել Հայաստանի ոչ մի տարիքային հավաքական։ Իսկ թե որն է պատճառը դժվար է ասել։ Հայ ֆուտբոլիստի վերջին հարցազրույցը սակայն ստիպում է ենթադրել, որ նրա գերնպատակը մեր երկրի ազգային թիմում խաղալը չէ։ Սա կարող է լինել նրա Հայաստանի հավաքականներին չմինալու գլխավոր պատճառ։ Մանվելյանը բաց տեքստով ասել է, որ երազում է մի օր կրել Ֆրանսիայի հավաքականի մարզաշապիկը։ Ամեն դեպքում այս ֆուտբոլիստին պետք է համարել Հայաստանի հավաքականի պոտենցիալ թեկնածու։Վերջին շրջանում Հայաստանի ազգային հավաքականում նորամուտը նշեցին մի շարք երիտասարդ ֆուտբոլիստներ աչքի ընկելով արդյունավետ ելույթներով։
Հայաստանի ֆուտբոլի ֆեդերացիան աշխատանքներ է տանում արտերկրում հանդես եկող հայ ֆուտբոլիստներին մեր հավաքականներում ներգրավելու ուղղությամբ։ Փաստ է, որ սփյուռքում ունենք ֆուտբոլային մեծ պոտենցիալ, որը պարտավոր ենք օգտագործել։ Հայկական թիմերում տեղացի որակյալ ֆուտբոլիստների պակաս կա, որը պետք է փորձենք լրացնել արտեկրում ելույթ ունեցող կադրերով։ Անհրաժեշտ է նաև հետևաողական աշխատանք տաղանդավոր և հեռանկարային ֆուտբոլիստներին հնարավորինս արագ մեր հավաքականում ընդգրկելու համար։ Այսօր Ռուսաստանի ազգային հավաքականում խաղում է 18-ամյա Արսեն Զախարյանը։ Այս ֆուտբոլիստը կարող էին զգալիորեն ուժեղացնել Հայաստանի ազգային հավաքականը, բայց․․․։ Զախարյանը որոշում կայացրեց ի օգուտ Ռուսաստանի։
Լիահույս ենք, որ Մանվեյլանն այնուամենայնիվ կնախընտրի խաղալ իր հայրենիքի դրոշի ներք։ Չմոռանանք, որ ի օգուտ Հայաստանի որոշում են կայացրել Ռուսաստանում հանդես եկող Խորեն Բայրամյանը, Էդուարդ Սպերցյանը։