Նոյեմբերի 11-ին ֆուտբոլի Հայաստանի ազգային հավաքականը Վազգեն Սարգսյանի անվան «Հանրապետական» մազադաշտում աշխարհի առաջնության ընտրական փուլի 8-րդ տուրում կմրցի Հյուսիսային Մակեդոնիայի հետ։ Երեք օր անց էլ նույն վայրում մերոնք կհյուրընկալեն աշխարհի քառակի չեմպիոն Գերմանիային։ ՀՖՖ-ն միայն այսօր առցանց եղանակով վաճառքի հանեց միայն Հյուսիսային Մակեդոնիայի դեմ խաղի տոմսերը։ Մինչ դեռ այս տարի կայացած նախորդ հանդիպումներից մոտ մեկ ամիս առաջ առցանց եղանակով տոմսերը հասանելի էին։
Հիշեցնենք, որ մարտին տեղի ունեցած Իսլանդիայի և Ռումինիայի դեմ հանդիպումներում պայմանավոված կորոնավիրուսի համավարակով ՈւԵՖԱ-ն թույլատրել էր երկրպագուների ներկայությունը մարզադաշտի 30 տոկոսի չափով։ Սեպտեմբերին տեղի ունցված Լիխտենշտեյնի դեմ խաղում «Հանրապետականը» լեփ-լեցուն էր։ Թե ինչու առաջիկա հանդիպման տոմսերի վաճառքը սկսվեց այսքան ուշ կարծում ենք պարզ է։ Մեր երկրում օր-օրի ահագնանում է համավարակը։ ՀՀ առողջապահության նախարարի 2020 թվականի սեպտեմբերի 11-ի թիվ 23-Ն հրամանում կատարված փոփոխության համաձայն՝ կորոնավիրուսային հիվանդության տարածման ռիսկը նվազեցնելու նպատակով, նոյեմբերի 1-ից դիմակի կրումը պարտադիր է նաև բնակության վայրի բնակելի տարածքից դուրս գտնվելիս հանրային բաց տարածքներում: Հիշեցնենք, որ «Հանրապետական» մարզադաշտը տեղավորում է մոտ 15 հազար հանդիսականների։ Եթե Հյուսիսային Մակեդոնիայի դեմ խաղում լեփ-լեցուն մարզադաշտ լինելու հավանականությունն այնքան էլ մեծ չէ, ապա Գերմանիայի հետ խաղում առնվազն 25 հազար մարդ ցանկություն կունենա դիտելու աշխարհի ամենաուժեղ հավաքականներից մեկի դեմ մրցավեճը։ Այս պահին Գերմանիայի դեմ խաղի տոմսերը դեռևս վաճառքի հանված չեն։ Դժվար է հավատալ, որ համաճարակային այս իրավիճակում ՀՀ կառավարությունը կթույլատրի 15 հազար մարդու հավաքվել նույն վայրում։ Թե ինչ-որոշում կկայացվի առաջիկա հանդիպումների վերաբերյալ այս պահին դժվար է ասել։
Հավանականությունն ամեն դեպքում մեծ է, որ երկրպագուների ներկայության վերաբերյալ կլինեն սահմանափակումներ։ Միևնույն ժամանակ նշենք, որ ընտրական փուլի վերջին երկու հանդիպումներում մեր ազգային թիմ ավելի քան երբեք ունի 12-րդ խաղացողի աջակցության կարիքը։ Այս պահին J ենթախմբում Գերմանիան 21 միավորով առաջին է ե և անկախ վերջին երկու տուրերի արդյունքներից կպահպանի դիրքը։ Երկրորդ հորիզոնականում 13 միավորով ռումինացիներն են։ Հյուսիսային Մակեդոնիան 12 միավորով երրորդ հորիզոնականում է։Նույնքան միավոր ունի նաև Հայաստանի հավաքականը, սակայն խփած և բաց թողած գնդակների հարաբերակցության հաշվարկում զիջում ենք մակեդոնացիներին։ Նոյեմբերի 11-ին Ռումինիան կհյուրընկալի Իսլանդիային։ Ռումինացիների նույնիսկ ոչ-ոքի խաղալու դեպքում Հայաստանի կամ Հյուսիսային Մակեդոնիայի հավաքականը իրական հնարավորություն կստանա ընտրական մրցափուլն ավարտելու երկրորդ հորիզոնականում։Իսլանդիայի դեմ հանդիպումից երեք օր անց Ռումինիան հյուրընկալվելու է Լիխտենշտեյին։ Նույն օրը Հյուսիսային Մակեդոնիան հյուրընկալելու է Իսլանդիային։ Ինչ խոսք ստեղծված իրավիճակում Ռումինիան գտնվում է շահավետ դիրքում, բայց․․․։
Չի կարելի բացառել, որ Իսլանդիան մեկ միավոր չի վաստակի Բուխատեստում։ Հայաստանի հավաքականի գլխավոր խնդիրն այս պահին Հյուսիսային Մակեդոնիային հաղթելն է, ինչը տեսական, հնարավոր է նույնիսկ իրական հնարավորություն տա պայքարելու երկրորդ հորիզոնականի համար։ Ստեղծված իրավիճակում ինչ խոսք մեծ է նաև երկրապագուների աջակցության դերը, նամանավանդ, որ առաջիկա հ անդիպումը որակազրկման պատճառով բաց են թողնելու Տարոն Ոսկանյանը, Վարազդատ Հարոյանը Էդուարդ Սպերցյանը և Սարգիս Ադամյանը։
