ՖԻՖԱ-ի դասակարգման աղյուսակում Հայաստանի ազգային հավաքականը նահանջելով մեկ կետով հանգրվանել է 89-րդ հորիզոնականում։ Պաշտոնական վերջին 8 հանդիպումներում մեր հավաքականը 5 հաղթանակ է տարել, երկու հանդիպում ավարտել ոչ-ոքի , և կրել մեկ պարտություն։ 2022 թվականի աշխարհի առաջնության ընտրական փուլում էլ մերոնք 6-րդ տուրից հետո 11 միավորով երկրորդ են J ենթախմբում։ Այս տարվա մարտին, ընտրական փուլում Հայաստանի հավաքականը 9 միավոր էր վաստակել հաղթելով Լիխտենշտեյնի, Իսլանդիայի և Ռումինիայի հավաքականներին։ Հիշեցնենք, որ հունիսի սկզբին Խոակին Կապառոսի գլխավորած թիմը անցկացրեց նաև ընկերական հանդիպումներ, ոչ-ոքի 1։1 խաղալով աշխարհի փոխչեմպիոն Խորվաթիայի հետ և 1։3 հաշվով զիջելով Շվեդիային։ Սեպտեմբերի սկզբին Հայաստանի հավաքականը ընտրական փուլի ևս երեք հանդիպում անցկացրեց։ Սեպտեմբերի 2-ին մերոնք Սկոպիեյում ոչ-ոքի 0։0 խաղացին Հյուսիսային Մակեդոնիայի հետ, իսկ երեք օր անց հյուրընկալվելիս 6։0 հաշվով զիջեցին աշխարհի քառակի չեմպիոն Գերմանիային։Սեպտեմբերին 8-ին էլ մեր հավաքականը Վազգեն Սարգսյանի անվան «Հանրապետական» մարզադաշտում 1։1 խաղաց Լիխտենշտեյնի հետ։
Վերջին երեք հանդիպումներում գրանցված անհաջող արդյունքները պատճառ հանդիսացան, որ Հայաստանի հավաքականը մեկ հորիզոնականով նահանջի դասակարգման աղյուսակում։ Հյուսիսային Մակեդոնիայի հավաքականն իր հերթաին նախորդ ամսվա համեմատ նահանջել է 2 հորիզոնականով և այժմ 74-րդն է։ Հիշեցնենք, որ մակեդոնացիները մասնակցել էին Եվրո-2020-ին և խմբային փուլում երեք խաղում կրելով նույնքան պարտություն դուրս մնացել հետագա պայքարից։ Դրանից հետո գլխավոր մարզիչ Անգելովսկին հեռացել էր զբաղեցրած պաշտոնից։ Նրան փոխարինել է Դրագոյա Միլևսին, որի գլխավորությամբ վեջին երեք հանդիպումներն ավարտվել էին ոչ-ոքի։ Գերմանիայի ազգային հավաքականը նախորդ հրապարակման համեմատ առաջադիմել է երկու տեղով և հիմա 16-րդ հորիզոնականում։ Լիխտենշտեյի ազգային թիմը նախորդ ամսվա համեմատ առաջադիմել է մեկ կետով հանգրվանելով 188-րդ հորիզոնականում։ Հոկտեմբերի 8-ին Հայաստանի ազգային հավաքականը 7-րդ հանդիպումը կանացկացնի աշխարհի առաջնության ընտրական փուլում Ռեյկյավիկում մրցելով Իսլանդիայի հետ։ Երեք օր անց էլ մեր հավաքականը Բուխատեստում ուժերը կչափի Ռումինիայի հետ։ Եվ ահա, նախորդ ամսվա համեմատ իսլանդացիները նահանջել են 7 հորիզոնականով և հիմա 60-րդն են։ Իսկ ահա Ռումինիաի հավաքականն առաջադիմել է 3 կետով տեղ զբաղեցնելով 45-րդ հորիզոնականում։
Ինչև, ԱՊՀ երկրների կտրվածքով Հայաստանի հավաքականն այս պահին երրորդն է։ Մերոնք զիջում են միայն Ռուսաստանին և Ուկրաինային։ Վերջինս 27-րդն է, իսկ ռուսները՝ 37-րդը։ Վրաստանի հավաքականը նախորդ ամսվա համեմատ նահանջել է 5 տեղով և հիմա 96-րդն է։ Տարածաշրջանի կտրվածքով ևս Հայաստանի հավաքականը երրորդն է։ Մեր գլխավոր թիմը զիջում է Թուրքիային և Իրանին։ Վերջինս վերջինս 22-րդ տեղում է, իսկ թուրքերը՝ 41-րդ։ Նախորդ ամսվա համեմատ Թուրքիան նահանջել է երեք հորիզոնականով, իսկ Իրանն առաջադիմել է 4 աստիճանով։ Ադրբեջանի հավաքականը շարունակում է անկում ապրել վարկանիշային աղյուսակում և այս պահին 117-րն է։ Նախորդ ամսվա համեմատ ադրբեջանցիները նահանջել են հինգ հորիզոնականով։ Ինչևէ ՖԻՖԱ-ի դասակարգման աղյուսակը շարունակում է գլխավորել Բելգիայի ազգային հավաքականը։ Բրազիլիայի հավաքականը երկրորդն է, իսկ լավագույն եռյակը եզրափակում է Եվրոպայի փոխչեմպիոն Անգլիան։ Աշխարհի գործող չեմպիոն Ֆրանսիան միայն չորրորդ հորիզոնականում է։ Եվրոպայի չեմպիոն իտալացիները՝ 5-րդն են։ 6-րդ տեղում Արգենտինան է, որին հաջորդում են Պորտուգալիան, Իսպանիան, Մեքսիկան և Դանիան։
Վերջինս աշխարհի առաջնության ընտրական փուլում ֆանտաստիկ արդյունք է գրացել։ 6 խաղում տոնելով նույնքան հաղթանակ այս հավաքականը վստահորեն գլխավորում է մրցաշարային աղյուսակը և գործնականում ապահովել է մասնակցությունն աշխարհի առաջնության եզրափակիչ փուլում։ Դանիան միակ հավաքականն է, որ ընտրական մրցաշարում ոչ մի գնդակ բաց չի թողել։
