Հայ գրոսմայստեր Լևոն Արոնյանը մեկնաբանել է Վեյկ Ան Զեեի «Տատա Սթիլ» մրցաշարի 8-րդ տուրում կայացած պարտիան Անիշ Գիրիի հետ:Այդ մասին հայտնում է մրցաշարի մամուլի ծառայությունը:
«Բարդ խաղ ստացվեց: Պարտիայի ընթացքում եղավ մի պահ, երբ ես այնքան էլ լավ դիրք չունեի: Սակայն դրությունը վերահսկողության տակ էր:
Լավ է, որ հաջորդ տուրը տեղի է ունենալու Էյնդհովենում: Միշտ հաճելի է ճանապարհորդել: Երբ ես խաղում էի Հոլանդիայի լիգայում, սիրում էի լինել փոքր քաղաքներում»,- ասել է Լևոն Արոնյանը, ով Անիշ Գիրիի հետ պարտիայում խաղում էր սևերով:
Հունվարի 23-ին կայանալիք 9-րդ տուրը կանցկացվի Էյնդհովենում: Հիշեցնենք` Արոնյանը 6 միավորով միանձնյա գլխավորում է մրցաշարային աղյուսակը: Կարյակինը վաստակել է 5.5 միավոր:
