Իտալական «Միլան»-ն ու Լոնդոնի «Չելսի»-ն կարող են հարձակվողներ փոխանակել: Ակումբային գրանցումը կարող են փոխել Ֆերնանդո Տորեսն ու Ստեֆան Էլ-Շարավին: Այդ մասին տեղեկացնում է SportMediaset-ը:
Լոնդոնյան ակումբը ցանկանում էր հրավիրել «Նապոլի»-ի հարձակվող Էդինսոն Կավանիին, բայց այդ տրանսֆերի կայացման հավանականությունը փոքր է: Որպես այլընտրանք Մոուրինյոն դիտարկում է Էլ-Շարավիի թեկնածությունը:
Տրանսֆերի կայացման արդյունքում Տորեսը կհամալրի «ռոսսոներիներ»-ի շարքերը:
Ըստ Transfermarkt մասնագիտացված պորտալի՝ 20-ամյա Էլ-Շարավիի տրանսֆերը գնահատվում է 27 մլն եվրո, իսկ 29-ամյա Տորեսի իրավունքները՝ 28 մլն եվրո:
