Գերմանիայի դաշնային հետախուզական ծառայության նոր զեկույցում Թուրքիայի ազգային հետախուզական կազմակերպությունը (MIT) ճանաչվել է Բեռլինում գործող չորս ամենաակտիվ օտարերկրյա ծառայություններից մեկը՝ Ռուսաստանի, Չինաստանի և Իրանի կողքին:
Գերմանացի պաշտոնյաները նշում են, որ այս երկրների հատուկ ծառայությունները դիմում են ոչ միայն դասական լրտեսության, այլև կիբերհարձակումների, ապատեղեկատվական արշավների և սաբոտաժային գործողությունների:
Զեկույցում հատուկ անդրադարձ կա նաև Բեռլինում գործող Քրդական բանվորական կուսակցության (PKK) ցանցին. գերմանական իշխանությունները թերահավատորեն են վերաբերում խմբավորման՝ զինված պայքարից հրաժարվելու մասին հայտարարություններին՝ շարունակելով այն դիտարկել որպես անվտանգության սպառնալիք:
