«Գաբալա»-ի և Ադրբեջանի հավաքականի ֆուտբոլիստ Ջավիդ Հուսեյնովը 4 տարվա ազատազրկման է դատապարտվել սպանության համար։
Դատավարության արդյունքում Հուսեյնովը մեղավոր է ճանաչվել իրեն քննադատած լրագրող Ռասիմ Ալիևի սպանության գործով։ Հուսեյնովի ազգականները ծեծել են լրագրողին, ով մահացել է օգոստոսի 9-ին։
Լրագրողը ֆուտբոլիստի հասցեին քննադատական գրառում էր կատարել իր ֆեյսբուքյան էջում։ «Գաբալա»-ի ավագը Կիպրոսի «Ապոլոն»-ի նկատմամբ հաղթանակից հետո գլխավերևում պահել էր Թուրքիայի դրոշը։ Կիպոսցի լրագրողի հարցին, թե ի՞նչ կապ ունի Թուրքիայի դրոշը, Հուսեյնովն ասել էր․ «Թուրքերն իմ ընկերներն են»։ Ինչպես գիտեք, Կիպրոսն ու Թուրքիան տարածքային վիճահարույց հարցեր ունեն։
Լրագրողը դաժան ծեծի ենթարկվելուց առաջ հայտարարել էր․ «Ֆեյսբուքյան էջում տեսանյութ էի հրապարակել։ Չեմ ցանկանում, որ նման անդաստիարակ ֆուտբոլիստն ինձ ներկայացնի Եվրոպայի խաղադաշտերում։ Դրանից հետո Հուսեյնովը զանգահարեց ինձ ու ասաց, որ այդ ժեստը խորհրդանշում էր երկու երկրների եղբայրությունը։ Երկխոսությունը նորմալ էր»։
Այնուհետև Ալիևին զանգահարել է Հուսեյնովի եղբայրը և պահանջել հերքում հրապարակել։ Տեղի է ունեցել լեզվակռիվ։ Հուսեյնովի եղբայրը 4 մտերիմների հետ հանդիպել է լրագրողին ու դաժան ծեծի ենթարկել։ Ներքին օրգանների ծանր վնասվածքներից Հուսեյնովը մահացել է։
Ֆուտբոլիստից զատ լրագրողին ծեծի ենթարկող խմբի անդամներն ազատազրկվել են 9-13 տարի ժամկետով։
