Լոնդոնի «Չելսի»-ի և Բելգիայի հավաքականի կիսապաշտպան Էդեն Ազարը նշել է, որ իր համար թիմի հաջողություններն ավելի մեծ նշանակություն ունեն, քան անձնական նվաճումները:
Հիշեցնենք, ընթացիկ մրցաշրջանում 24-ամյա ֆուտբոլիստն իր ակտիվում 8 գոլ և գոլային 4 փոխանցում է գրանցել: «Չելսի»-ն, որ ընթացիկ մրցաշրջանում պայքարում է բոլոր տիտղոսները նվաճելու համար, մտադիր է էլ ավելի հզորացնել թիմի կազմը: Էդեն Ազարը դարձել է թիմի առաջատարներից մեկը:
«Անձնական նվաճումներն, իհարկե, ուրախացնում են, բայց միայն այն ժամանակ, երբ թիմը հաղթում է: Եթե ես հեթ-տրիկ ձևակերպեմ, իսկ «Չելսի»-ն միևնույնն է պարտվի, երջանիկ չեմ լինի: Ձգտում եմ զարգանալ, առաջընթաց գրանցել: Իմ խնդիրն է օգնել թիմին հաջողությունների հասնել: «Չելսի»-ի հաջողությունն ամեն ինչից վեր եմ դասում»,- Daily Mail-ը մեջբերում է Ազարի խոսքերը:
