«Մալագա»-ի կիսապաշտպան Խոակինը կոչ է անում իր խաղընկերներին մոբիլիզացնել բոլոր ուժերը` «Բարսելոնա»-ի նկատմամբ առավելության հասնելու համար:
«Բազմաթիվ թիմեր ցանկություն են ունեցել մեր ակումբի հետ հանդիպման արդյունքում 3 միավոր վաստակել, ինչը, սակայն, նրանց չի հաջողվել:
Պետք է ասեմ, որ «Բարսելոնա»-ն այլ դեպք է: Կատալոնական ակումբը համաշխարհային ֆուտբոլի առաջատարներից մեկն է, հիանալի թիմ:
«Մալագա»-ն պետք է ջանք չխնայի, որպեսզի «կապտանռնագույններին» չհաջողվի առավելության հասնել: Այս խաղն իսկական մարտահրավեր է և անչափ կարևոր է մեզ համար: Կարծում եմ` թիմի առաջընթացը հնարավոր չէ առանց աղմկալի հաղթանակների»,- Marca-ն մեջբերում է Խոակինի խոսքերը:
