ՉԼ «A» խմբում Հարրի Ռեդնապի «Տոտնհեմ»-ը կհյուրընկալի իտալիայի չեմպիոն «Ինտեր»-ին:
Այսօր տեղի կունենա չեմպիոնների լիգայի 4-րդ տուրի հանդիպումները: Որոշ ակումբների համար այսօր ամեն ինչ պարզ կդառնա:
«A» խմբում Հարրի Ռեդնապի «Տոտնհեմ»-ը կհյուրընկալի իտալիայի չեմպիոն «Ինտեր»-ին: Երկու շաբաթ առաջ այս թիմերը հանդիպել են Միլանում: «Տոտնհեմ»-ի դարպասապահ Գոմիսի ստացած կարմիր քարտից հետո «ինտերցի»-ները հաղթում էին 4-0 հաշվով, սակայն լոնդոնցիները կարողացան 10 հոգով երկրորդ խաղակեսում ուղղակի հրաշք գործել, հատկապես կիսապաշտպան Բեյլը : Նա նույն դիրքից 3 անգամ գրավեց չեմպիոնների լիգայի լավագույն դարպասապահ Ժուլիո Սեզարի պաշտպանած դարպասը, ընդ որում, 2 գնդակը նա խփել է արդեն գլխավոր մրցավարի ավելացրած րոպեներում: Բրեմենում ուժերը կչափեն այս խմբի ետնապահները` «Վերդեր»-ը եւ Հոլանդիայի չեմպիոն «Տվենտե»-ն:
«B» խմբում Պորտուգալիայի չեմպիոն «Բենֆիկա»-ն «Դա Լուժ» մարզադաշտում կընդունի Լիոնի «Օլիմպիկի»-ն: Պարտության դեպքում «Բենֆիկա»-ն կզրկվի փլեյ-օֆի ուղեգրից, իսկ ահա ֆրանսիացիներին ոչ-ոքին էլ ձեռնատու: Իսրայելում կհանդիպեն «Հապոել»-ը եւ գերմանական «Շալկե-04»-ը. այս հանդիպման ֆավորիտ է հաշվում Գերմանիայի փոխչեմպիոնը:
«C» խմբում «Վալենսիա»-ն «Միստալիա»-ում կհյուրրնկալի Շոտլանդիայի չեմպիոն «Գլազգո»-ին եւ այս խաղում որոշվելու է, թե այս խմբում ով է զբաղեցնելու երկրորդ հորիզոնականը, իսկ Թուրքիայի չեմպիոն «Բուրսասփոր»-ը կհյուրնկալի խմբի առաջնորդ անգլիական «Մանչեսթր Յունայթեդ»-ին: «Բուրսասփոր»-ը իր ցուցադրած խաղով այս խմբի ետնապահն է, թիմը 3 խաղում սեփական դարպասը ընդունել է 6 գնդակ եւ ոչ մի անգամ նրանց չի հաջողվել աչքի ընկնել:
«D» խմբում էլ Կազանի Կենտրոնական մարզադաշտում «Ռուբին»-ը կհանդիպի Հունաստանի չեմպիոն «Պանատինայկոս»-ին : Այս խաղում Կազանի թիմի համար միայն հաղթանակը կհամարվի բավարար արդյունք, «Ռուբին»-ը մինչ այս հանդիպումը անցեկացրել 3 խաղ, բայց իր ակտիվում ունի ընդամենը 2 միավոր: Այս խմբի մյուս հանդիպումը կկայանա Դանիայում. տեղի «Կոպենհագեն»-ը կմրցի հանրահայտ իսպանական «Բարսելոնա»-ի հետ: Հիշեցնենք, որ այս խմբում հանդես են գալիս միայն իրենց առաջնությունների չեմպիոններ:
