Երկրորդ միջին քաշային կարգում WBO վարկածով աշխարհի չեմպիոն Արթուր Աբրահամը Ռոբերտ Շտիգլիցի նկատմամբ տարած հաղթանակից հետո նշել է, որ երկու բռնցքամարտիկներն էլ պայքարել են մինչև վերջ:
«Ես ուրախ և հպարտ եմ երկրորդ միջին քաշային կարգի չեմպիոնի կոչումը նվաճելու համար: Սա իմ երազանքն էր: Վերջին 2 տարիների ընթացքում ես մի շարք անհաջողությունների հանդիպեցի, սակայն միաժամանակ փորձ ձեռք բերեցի: Ես հաղթանակ եմ տարել շատ ուժեղ հակառակորդի նկատմամբ: Մենք երկուսս էլ պայքարել ենք մինչև վերջ: Նա չէր ցանկանում կորցնել իր գոտին, իսկ ես պատրաստվում էի նվաճել այն: Մենամարտը շատ բարդ էր: Մենք պայքարեցինք ուժերի առավելագույն լարումով, սակայն, ի տարբերություն ամերիկացիների, ովքեր անընդհատ ցանկանում են վիրավորել միմյանց, մենք մարդ ենք մնացել»,- հայտարարել է Աբրահամը:
Հավելենք, որ ինչպես արդեն տեղեկացրել ենք, Ռոբերտ Շտիգլիցին մենարտից հետո շտապ բժշկական օգնություն է պահանջվել, և վերջինս չի կարողացել մասնակցել մամլո ասուլիսին:
