Ֆիլիպինցի բռնցքամարտիկ Մենի Պակյաոն անպարտելի Ֆլոյդ Մեյուեյզերին վախկոտ է անվանել՝ պատասխանելով վերջինիս: Պակյաոյի կարծիքով՝ Ֆլոյդը խուսափում է բաց մենամարտից:
Մայիսի 2-ին Լաս-Վեգասում կայացած մենամարտից հետո Մեյուեյզերը վախկոտ էր անվանել Պակյաոյին, ով պարտությունից հետո հայտարարել էր, որ ուսի վնասվածք ուներ, իսկ մրցակիցը գիտեր այդ մասին ու անընդհատ քաշում էր ձեռքը: Մեյուեյզերը մարզական կարիերայի 48-րդ հաղթանակն էր տարել:
«Չպետք է ուշադրություն դարձնել նրա խոսքերին: Մեյուեյզերը վախկոտ է, քանի որ խուսափում էր մենամարտից»,- հայտարարել է Պակյաոն:
Հիշեցնենք, որ Մեյուեյզերն այսօր հրաժարվեց WBO վարկածով աշխարհի չեմպիոնական գոտուց, որը նվաճել էր վերոգրյալ մենամարտում հաղթանակից հետո:
