Լոնդոնի «Չելսի»-ի 36-ամյա հարձակվող Դիդյե Դրոգբան խոստովանել է, որ ցանկանում է ընթացիկ մրցաշրջանի ավարտից հետո ևս մնալ «ազնվականներ»-ի կազմում: Այս մասին տեղեկացնում է Sky Sports-ը:
«Հուսով եմ՝ «Չելսի»-ի մեծ ընտանիքի մասն եմ կազմում: Ակումբը համոզում է ինձ այդ հարցում: Երբ 2012թ. առաջին անգամ լքեցի «Չելսի»-ն, կարծում էի, որ հասել եմ գագաթնակետին: Բայց հիմա հասկանում եմ, որ այդպես չէ:
Սիրում եմ «Չելսի»-ն ու ցանկանում եմ մրցաշրջանի ավարտից հետո ևս մնալ թիմում»,- հայտարարել է հարձակվողը:
Անգլիայի Պրեմիեր լիգայի ընթացիկ մրցաշրջանում Դրոգբան մասնակցել է 16 հանդիպման ու 3 գոլ խփել:
