Գերմանիայի Դորտմունդ քաղաքում ընթացող ըմբշամարտի Եվրոպայի առաջնությունում մեր գլխավոր հույսերից մեկը` Արսեն Ջուլֆալակյանը, երրորդ տեղի համար գոտեմարտում պարտություն կրեց ռուս Ռոման Վլասովից և զրկվեց բրոնզե մեդալից:
Հունահռոմեական ոճի 74 կգ. քաշային կարգում հանդես եկող հայ ըմբիշից, իհարկե, սպասումներն ավելի մեծ էին, սակայն Արսեն Ջուլֆալակյանը նախ 1/8 եզրափակիչում պարտություն կրեց հունգարացի Պետեր Բագսիից, ով դուրս եկավ եզրափակիչ, այնուհետև, ինչպես նշեցինք, երրոդ տեղի համար պայքարում զիջեց ռուս ըմբիշին:
Այսօր ոչ մի մեդալ չնվաճեց նաև 60 կգ. քաշային կարգում հանդես եկող Վահան Ջուհարյանը, ով 1/8 եզրափակիչում պարտություն կրեց Յանկու Էյսեբիու Դիանկուից և դուրս մնաց հետագա պայքարից:
Փոխարենը, 96 կգ. քաշային կարգում շարունակում է հրաշալի հանդես 20-ամյա Արթուր Ալեքսանյանը, ով առաջին անգամ է հանդես գալիս մեծահասակների Եվրոպայի առաջնությունում և հասել է եզրափակիչ: Եզրափակիչ գոտեմարտի ավարտից անմիջապես հետո «Առաջին լրատվական»-ն անպայման կտեղեկացնի երիտասարդ հայ ըմբիշի` հուսով ենք չեմպիոնության մասին:
