Աբու Դաբիում կայացել է հեղինակավոր Laureus World Sports Awards մրցանակաբաշխության հանդիսավոր արարողությունը, որը կոչում են նաև «սպորտային Օսկար»:
Լավագույն մարզիկ անվանակարգում հաղթող ճանաչվեց իսպանացի թենիսիստ, աշխարհի առաջին ռակետ Ռաֆայել Նադալը:
Լավագույն մարզուհի ճանաչվեց ամերիկացի լեռնադահուկորդ Լինդսի Վոնը:
Տարվա թիմ հռչակվեց աշխարհի գործող չեմպիոն Իսպանիայի ֆուտբոլի հավաքականը։
Իտալացի հայտնի մոտոարշավորդ Վալենտինո Ռոսսին արժանացավ «տարվա վերադարձ» մրցանակին։
Հատուկ մրցանակի արժանացավ Զինեդին Զիդանը, որը պարգևատրվեց սպորտի զարգացման մեջ մեծ ներդրում ունենալու համար։