Հոլանդիայի Վեյկ-ան-Զեե քաղաքում ավարտվեց շախմատի ավանդական սուպերմրցաշարը: Վերջին տուրի բոլոր պարտիաներն ավարտվեցին ոչ-ոքի արդյունքով և մրցաշարային աղյուսակում բոլորը մնացին իրենց դիրքերում: Այսպիսով, Հայաստանի ուժեղագույն շախմատիստ Լևոն Արոնյանը վաստակեց 8 միավոր և Նորվեգացի Մագնուս Կարլսենի հետ կիսում է երրորդից չորրորդ հորիզոնականը: Նրանցից կես միավոր ավել վաստակեց հնդիկ Վիշվանաթհան Անանդը, իսկ առաջին տեղը գրավեց ԱՄՆ-ի ներկայացուցիչ Հիկարու Նակամուրան:
13-րդ տուրի պարտիաներում գրանցվեցին հետևյալ արդյունքները.
Արոնյան – Սմիթս 1/2
Գիրի – Պոնոմարյով 1/2
Գրիշչուկ – Կարլսեն 1/2
Կրամնիկ – Վաշիե-Լագրավ 1/2
Նեպոմնյաշչի – Անանդ 1/2
Շիրով – Լ’Ամի 1/2
Վան Հաո – Նակամուրա 1/2
Մրցաշարային աղյուսակի վերջնական տեսքն այսպիսին է.
1. Նակամուրա 9 մ.
2. Անանդ 8.5 մ.
3. Արոնյան 8 մ.
4. Կարլսեն 8 մ.
5. Կրամնիկ 7.5 մ.
6. Վաշիե-Լագրավ 7.5 մ.
7. Պոնոմարյով 6.5 մ.
8. Նեպոմնյաշչի 6 մ.
9. Վան Հաո 6 մ.
10. Գիրի 6 մ.
11. Սմիթս 4.5 մ.
12. Լ’Ամի 4.5 մ.
13. Գրիշչուկ 4.5 մ.
14. Շիրով 4 մ.
B մրցաշարի վերջին տուրում Գաբրիել Սարգսյանը միավորը կիսեց Եֆիմենկոյի հետ և վաստակած 7.5 միավորով Սոյի և Լիմի հետ կիսում է 4-րդից 6-րդ տեղերը: Առաջատարներ Նավարանի և Մակշեյնի պայքարը նույնպես ավարտվեց ոչ-ոքի արդյունքով: Հենց վերջիններն էլ կիսում են առաջին երկու հորիզոնականները:
13-րդ տուրի մյուս պարտիաներում գրանցվեցին հետևյալ արդյունքները.
Գանգուլի – Լիմ 1/2
Համեր – Ֆրեսիենե 0-1
Լի Չաո – Տկաչև 1-0
Սո – Վոյտաշեկ 1/2
Սփուլմեն – Նիյբոեր 1-0
Մրցաշարային աղյուսակի վերջնական տեսքն այսպիսին է.
1. Նավարա 8.5 մ.
2. Մակշեյն 8.5 մ.
3. Եֆիմենկո 8 մ.
4. Սարգսյան 7.5 մ.
5. Սո 7.5 մ.
6. Լիմ 7.5 մ.
7. Տկաչև 7 մ.
8. Վոյտաշեկ 6.5 մ.
9. Լի Չաո 6 մ.
10. Ֆրեսիենե 6 մ.
11. Գանգուլի 5.5 մ..
12. Սփուլմեն 5 մ
13. Համեր 4 մ.
14. Նիյբոեր 3.5 մ.