Goal.com-ը տեղեկացնում է, որ Գերմանիայի հավաքականի նախկին ավագ Միխայել Բալլաքն իր մարզական կարիերան ցանկանում է շարունակել MLS-ում:
Պարբերականի տեղեկացմամբ MLS-ի փոխնախագահ Թոդդ Դարբինը Բալլաքի` Հյուսիսային Ամերիկա տեղափոխության նպատակով բանակցություններ է վարում վերջինիս հետ: «Բայեր»-ի կիսապաշտպանի ծառայություններով հետաքրքրվում են «Նյու-Յորք Ռեդ Բուլլզ»-ը, «Մոնրեալը», «Չիկագո»-ն, «Ֆիլադելֆիա»-ն և «Սիեթլ»-ը:
«Բալլաքը պատրաստ է խաղալ MLS-ում հանդես եկող ցանկացած թիմում: Նա իր կարիերայի ընթացքում վաստակել է 160 մլն եվրո, և փողը չի կարող ընտրության հիմք հանդիսանալ: Նրան դուր է գալիս ԱՄՆ-ն և նա ցանկանում է խաղալ այնտեղ»,- հայտարարել է ֆուտբոլիստին մոտ գտնվող աղբյուրը:
Բալլաքը հայտարարել է, որ չի ցանկանում «Բայեր»-ի հետ երկարաձգել իր` 2012 թվականի հունիսին լրացող պայմանագրի ժամկետը, իսկ գերմանական ակումբի նախագահ Վոլֆգանգ Հոլցհոյզերը նշել է, որ պատրաստ է ժամկետից շուտ խզել 35-ամյա կիսապաշտպանի հետ կնքած համաձայնագիրը: MLS-ում տրանսֆերային պատուհանը բացվում է ապրիլի 15-ին:
