Երեկ մեկնարկեց անգլիական պրեմիեր լիգայի 19-րդ տուրը: Ի տարբերություն նախորդ տուրի, որում 7 հանդիպում հետաձգվել էր, այս տուրում ընդամենը 2 խաղ չկայացավ` «Բլեքպուլ» -«Լիվերպուլ» և «Էվերտոն»- «Բիրմինհեմ»: Մյուս հանդիպումներում մանչեսթրյան երկու ակումբները հաղթանակներ տոնեցին` «Յունայթեդ»-ը Բերբատովի դուբլի շնորհիվ սեփական հարկի տակ 2:0 հաշվով առավելության հասավ Սանդերլեմդի նկատմամբ, «Սիթի»-ն հյուրընկալվելիս 1:3 հաշվով պարտության մատնեց «Նյուքասլ»-ին, դուբլի հեղինակ դարձավ Տևեսը: Հանդիպման 28-րդ րոպեից 10 հոգով մնացած Տոտենհեմը հյուրընկալվելիս հաղթեց «Ասթոն Վիլլա»-ին` 1:2: Բլեքբրնը անսպասելի պարտություն կրեց «Սթոուք Սիթի»-ից` 0:2: Բոլթոնը հերթական հաղթանակը տարավ և կրնկակոխ հետապնդում է առաջատարներին` «Բոլթոն»-«Վեսթ Բրոմվիչ»` 2:0: «Վուլվերհեմփթոն»-«Ուիգան» խաղն ավարտվեց հյուրերի հաղթանակով` 1:2 հաշվով: «Ֆուլհեմ»-«Վեսթ Հեմ»` 1:3: Տուրի կենտրոնական հանդիպումը կկայանա այսօր. Լոնդոնի «Էմիրեյթս» մարզադաշտում «Արսենալ»-ը կընդունի «Չելսի»-ին:
