Համաշխարհային ոչ կառավարական Transparency International ընկերությունը խստորեն քննադատել է ՖԻՖԱ-ի 2018 թ. ֆուտբոլի աշխարհի առաջնությունը Ռուսաստանին վստահելու որոշումը: Ընկերության սպորտային հարցերի պատասխանատու Սիլվիա Շենկի խոսքերով, ՖԻՖԱ-ի որոշումն անընդունելի է: «Անմիջապես ՖԻՖԱ-ի որոշումը լսելուց հետո մտածեցի, որքանով է պատրաստ այդ երկիրը ընդունել աշխարհի առաջնությունը: Չէ՞ որ Ռուսաստանը Եվրոպայի ամենակոռուպացված երկրներից մեկն է և 178 պետությունների մեջ 154-րդն է կոռուպացվածության աստիճանով: Ես կարծում եմ, որ ՖԻՖԱ-ն այս քայլով պարզապես հաշվեհարդար տեսավ անգլիացիների հետ»:
