Փարիզում ավարտվեց ծանրամարտի 2011թ. Աշխարհի առաջնության 77 կգ քաշայինների մրցապայքարը: Այս քաշային կարգում հանդես եկան նաև մեր հավաքականի 2 ներկայացուցիչներ` Տիգրան Մարտիրոսյանը և Առաքել Միրզոյանը:
Աշխարհի չեմպիոն Տիգրան Մարտիրոսյանը նվաճեց մեկ փոքր բրոնզե մեդալ: Տիգրանը պոկում վարժությունում ցույց տվեց 166 կգ արդյունք, իսկ հրում վարժությունում` 190 կգ: Երկամարտի 356 կգ արդյունքով մեր ծանրորդը գրավեց իր համար ոչ սովորական` 5-րդ տեղը:
Մեր թիմի մյուս ներկայացուցիչը` Առաքել Միրզոյանը, ով հանդես էր գալիս B խմբում, երկամարտի 338 կգ արդյունքով գրավեց 10-րդ տեղը: Պոկում վարժությունում Առաքելը ցույց տվեց 155 կգ արդյունք, հրում վարժությունում` 183 կգ:
