Հոկտեմբերի 8-ին Ռեյկյավիկում Հայաստանի ազգային հավաքականն աշխարհի առաջնության ընտրական փուլի 7-րդ տուրում կհյուրընկալվի Իսլանդիային։ Այս տարվա մարտի 28-ին Երևանում տեղի ունեցած մրցավեճում մեր հավաքականը Տիգրան Բարսեղյանի և Խորեն Բայրամյանի խփած գոլերի շնորհիվ իսլանդացիներին հաղթել էր 2։0 հաշվով։ Այնուամենայնիվ, բուքմեյքերները առաջիկա մրցավեճում ավելի հավանական են համարում դաշտի տերերի հաղթանակը։ Մասնավորապես, Իսլանդիայի հաղթանակի համար սահմանված է 2.1 գործակից։ Ոչ-ոքին գնահատված է 3․4, իսկ Հայաստանի հավաքականի հաղթանակը 4․1 գործակցով։ 6-րդ տուրից հետո Հայաստանի ընտրանին 11 միավորով J ենթախմբում 2-րդն է և 4 միավորով զիջում է առաջին հորիզոնականում գտնվող Գերմանիային։ Պետք է ըդունենք, որ առաջին հորիզոնականի համար պայքարելը մեզ համար ուղղակի իրատեսական չէ։ Իսլանդացիները 4 միավորով նախավերջին՝ 5-րդ հորիզոնականում են և կորցրել են հնարավորությունը երկրորդ հորիզոնականի համար պայքարելու։ Հայաստանի հավաքականի հետ հանդիպումը Իսլանդիայի համար մրցաշարային առումով որևէ նշանակություն չունի։ Մինչդեռ մեզ համար Ռեյկյավիկում կայանալիք խաղը կարող է շրջադարձային լինել։ Հաղթանակի դեպքում մերոնք լուրջ հայտ կներկայացնեն պահպանելու երկրորդ հորիզոնականը, ինչը հնարավորություն կտա աշխարհի առաջնության եզրափակիչ փուլի ուղեգրի համար պայքարը շարունակել փլեյ-օֆֆում։
Պարտության դեպքում Խոակին Կապառոսի թիմը ըստ ամենայնի կնահանջի երրորդ հորիզոնական, քանզի նույն օրը Հյուսիսային Մակեդոնիան հյուրընկալվելու է Լիխտենշտեյնին և հավանականությունը մեծ է, որ բալկանյան հավաքականը 3 միավոր կվաստակի։ Մակեդոնացիներն այս պահին ունեն 9 միավոր։ Ինչևէ, փորձենք հասկանալ ինչ է իրենից ներկայացնում Իսլանդիայի ազգային թիմը և ինպիսին են հաղթելու մեր հնարավորութունները։ Սեպտեմբերին տեղի ունեցած խաղային ցիկլում ինչպես Հայաստանի հավաքականը իսլանդացիներին 9 հնարավորից հաջողվել էր վաստակել ընդամենը մեկ միավոր։ Նշենք սակայն, որ ի տարբերություն Հայաստանի Իսլադիան երեք հանդիպում անց է կացրել տանը։ Մասնավորապես, 0։2 հաշվով Ռումինիային զիջելուց հետո Իսլանդիան ոչ-ոքի 2։2 էր խաղացել Հյուսիսային Մակեդոնիայի հետ։ Ընդորում հյուրերը մինչև 78-րդ րոպեին հաշվի մեջ առջում էլ եղել 0։2 հաշվով։ 6 րոպեում խփած երկու գնդակների շնորհիվ Իսլանդիան խուսափել է պարտությունից։ 3-րդ խաղում Իսլանդիան 0։4 հաշվով զիջել էր Գերմանիային։ Այս խաղի 20-րդ րոպեին ծանր վնասվածք էր ստացել Իսլանդիայի հավաքականի առաջատարներից և ամենթանկ ֆուտբոլիստ, իտալական «Վենեցիայի» կիսապաշտպան Արնոր Սիգուրդսոնը։ Վերջինս դեռևս չի ապաքինվել և չի միացել Իսլանդիայի ազգային թիմին։ Սա լուրջ կորուստ է մեր մրցակցի համար: Տևական ժամանակ ազգային թիմում չէ Իսլանդիայի ընդգծված առաջատար անգլիական «Էվերտոնի» կիսապաշտպան Գիլֆի Սիգուրդսոնը։ Եթե Արնոր Սիգուրդսոնի տրանսֆերային արժեքը 4․5 միլիոն եվրո է, ապա Գիլֆի Սիգուրդսոնի տրանսֆերը գնահատված է 13 միլիոն եվրոյով։
Ընդհանուր առմամբ այս պահին Իսլանդիայի հավաքականի ճամբարում գտնվող բոլոր ֆուտբոլիստների տրանսֆերային ընդհանուր հանրագումարը կազմում է 22.08 միլիոն եվրո։ Իսլանդիայի ամենաթանակ ֆուտբոլիստը հոլանդական «Ալկմարի» ձախ վինգեր Ալբերտ Գուդմունդսոնն է, որի տրանսֆերային արժեքը 4 միլիոն եվրո է։ Ներկայում Հայաստանի ազգային հավաքականի տրանսֆերային ընդհանուր արժեքը կազմում է 40․1 միլիոն եվրո։ Այսինքն ֆուտբոլիստների որակի առումով մերոնք մի գլուխ ավելի բարձր են իսլանդացիներից։ Լուկաս Սելարայանի մեր գլխավոր թիմին միանալուց հետո տրանսֆերային արժեքի հանրագումարը ավելացել է 10 միլիոն եվրոյով։ Հայաստանի ամենաթանկ ֆուտբոլիստը Հենրիխ Մխիթարյանն է, որի տրանսֆերը 15 միլոն եվրո է։ Սելարայանը 10 միլիոնով երկորդն է, իսկ լավագույն եռյակը եզրափակում է Սարգիս Ադամյանը, 3․5 միլիոն եվրոյով։
Մեր կորուստների ու ուժեղ կողմերի մասին արդեն խոսել ենք։ Հաշվի առնելով բերված արգումենտները պետք է ընդունենք, որ առաջիկա խաղում Հայաստանի հավաքականը պետք է հաղթի։ Հաղթանակի համար կան բոլոր նախադրյալները և մնում է թերևս օգտագործել դրանք։
Լուսանկարը՝ ՀՖՖ-ի
