Տոկիոյի Օլիմպիական խաղերում երեկ արծաթե մեդալ նվաճած հունահռոմեական ըմբիշ Արթուր Ալեքսանյանի հայտարարությունը աղմուկ է բարձրացրել՝ մասնավորապես Ռուսաստանում։ Պետք է Ռուսաստանից լինել հաղթելու համար», –Матч ТВ հեռուստաընկերության լրագրողի հարցին ի պատասխան ասել էր մեր մարզիկը։ Հիշեցնենք, որ եզրափակչում Արթուր Ալեքսանյանը 1:5 հաշվով պարտվել էր աշխարհի ու Եվրոպայի կրկնակի չեմպիոն, 28-ամյա ռուսաստանցի Մուսա Եվլոևին: Կրած պարտությունից հետո հրաժարվել է կրել արծաթե մեդալը՝ մրցանակների հանձման ժամանակ։ Արթուր Ալեքսանյանի համոզմամբ Եվլոևը չեմպիոն է դարձել մրցավարների կողմնակալ որոշման արդյունքում։ Գոտեմարտի առաջին կեսի վերջնամասում մեր ըմբիշը ըստ էության դիմակայեց պարտերում և գորգի մրցավարը ռուս ըմբիշի օգտին միավոր չգրանցեց։ Այդ պահին հաշիվը 1։0 էր հոօգուտ Եվոևի։ Երկրորդ կեսում դիմակայելու դեպքում հավաքականակությունը մեծ էր, որ Ալեքսանյանը միավոր մեկ միավոր կվաստակի և կհռչակվի Օլիմպիական չեմպիոն, բայց․․․։ Կրկնապատկերում հստակ երևում է, որ Եվլոևը գորգից դուրս չի հանել Ալեքսանյանին։ Ռուսական կողմի բողոքարկումից հետո իրավիճակը կտրուկ փոխվեց։ Եվլոևին տրվեց 3 միավոր, մինչդեռ սխալ բողոքարկման համար միավոր պետք է տրվեր Ալեքսանյանին։ Վերջինս դարձավ մրցավարական «բեսպրեդելի» հերթական զոհը։
Մրցավարական ամանաթողություն, որը իրականացվում է հայ ըմբիշների նկատմամբ։ Արթուր Ալեքսանյանը միանգամայն ճիշտ էր և մեդալը չվերցնելու նրա որոշումը՝ ընկալելի։ Սա առաջին դեպքը չէ երբ Եվլոևի դեմ գոտեմարտում մրցավարներն աշխատում են հօգուտ ռուսաստանցու։ Նույնը տեղի էր ունեցել 2020 թվականին դեկտեմբերին, Սերբիայում տեղի ունեցած աշխարհի գավաթի խաղարկությունում։ Որակավորման փուլում մրցավարների աջակցությամբ Եվլոևը Ալեքսանյանին հաղթել էր նույն 5։1 հաշվով։ Փաստորեն նույնը տեղի ունեցավ նաև երեկ։ Օլիմպիական խաղերում օգոստոսի 3-ին մրցավարական բեսպրեդելի զոհ դարձան նաև հունահռոմեական ոճի ըմբիշներ Կարապետ Չալյանն ու Կարեն Ասլանյանը։ Վերջինիս գոտեմարտի տեսանյութում հստակ երևում է, որ Ասլանյանը գործել է կանոնների սահմանում, վաստակել է 2 անգամ 2 միավոր, որից հետո էլ տուշեով հաղթել է մրցակցին: Գորգի մրցավարը և եզրային 2 մրցավարները ֆիքսում են մեր ըմբիշի հաղթանակը, սակայն եգիպտոսցի Մոհամեդ Իբրահիմ Էլսայեդի մարզիչը բողոքարեց մրցավարների որոշումը, իսկ բողոքարկման ժամանակ մրցավարների որոշումը վերանայվում է մրցավարական հանձնաժողովի կողմից և հենց նրանց որոշման պատճառով էլ մեր մարզիկը զրկվեց հաղթանակից: Ասլանյանն ըստ էության կիսաեզրափակչում էր և մենք մեդալի իրական հնարավորություն ունեինք։
Չալյանի ադրբեջանցի Ռաֆիգ Հուսեյնովի հետ երկրորդ մրցափուլի միջնամասում, երբ հաշիվը 1։1 էր, Կարապետ Չալյանին նկատողություն տրվեց, իբրև թե, մրցակցի դեմքին հարվածելու համար, սակայն կրկնապատկերում հստակ երևում էր, որ այդտեղ կանոնների խախտում չկար, և դա պարզապես կոնտակտ էր երկու ըմբիշների միջև։ Նկատողության պատճառով ադրբեջանցի ըմբիշը ստացավ երկու միավոր, մրցավարները ևս մեկը գումարեցին հայ մարզիչների վիճարկումը մերժելուց հետո։ Մեկնաբանությունները թերևս ավելորդ են։ Հայաստանի նկատմամբ իրականացվող մրցավարական «բեդպրեդելի» ֆոնին Ռուսաստանի նախագահ Վլադիմիր Պուտինը շնորհարվորել է Մուսա Եվլոևին հայ ըմբիշի նկատմամբ տարած ըստ էության սկանդալային հաղթանակի կապակցությամբ։
«Փորձառու ու անվանի մրցակցի դեմ եզրափակիչ գոտեմարտում դրսևորեցիք երկաթյա կամք, հղկված տեխնիկա, հաջողության հասնելու նպատակասլացություն: Այդ վստահ, փայլուն հաղթանակը հրաշալի նվեր է մեր մարզիչների ու մեր երկրում հունահռոմեական ըմբշամարտի բոլոր սիրահարների համար», ասվում է Վլադիմիր Պուտինի շնորհավորական ուղերձում։ Արթուր Ալեքսանյանի հայտարարության և մեր նկատմամբ իրականացվող մրցավարական արշավանքից հետո սա իսկապես շնորհավորանք էր մրցավարական ամանաթողությանը։
