Ֆուտբոլի Անգլիայի ազգային հավաքականին չհաջողվեց հաղթել Շոտլանդիային։ Եվրո-2020-ի D խմբի այս խաղի առաջին գոլային պահը ստեղծեց Շոտլանդիան, սակայն գնդակը չհայտնվեց ցանցում: Րոպեներ անց արդեն Անգլիայի գրոհի ժամանակ գնդակը դիպավ դարպասաձողին: Ըստ վիճակագրության առաջին կեսում առավելությունն Անգլիայի օգտին էր: Առաջին 45 րոպեներին այդպես էլ դարպասի գրավում չարձանագրվեց: Երկրորդ կեսում էլ նույն իրավիճակն էր: Շոտլանդիան անսխալ էր գործում պաշտպանությունում, իսկ Անգլիան այդպես էլ չէր գտնում դեպի դարպասը տանող ամենաճիշտ ճանապարհը: Այս ենթախմբում մյուս խաղում էլ մրցեցին Խովաթիայի և Սլովակիայի հավաքականները։
Գլազգոյում կայացած խաղի առաջին կեսում հիմնականում նախաձեռնությանը տիրում էր Չեխիայի հավաքականը: Խորվաթիան շեշտը դրել էր հակագրոհների վրա: Աշխարհի փոխչեմպիոնների մոտ խաղը չէր ստացվում հարձակման գծում: Խաղի 37-րդ րոպեին Չեխիայի ընտրանին օգտվեց իր հնարավորությունից: Նշանակված 11 մետրանոց հարվածն անվրեպ իրացրեց Շիկը, ով էլ քթին հարված ստանալու արդյունքում վաստակել էր այն հարվածը: Երկրորդ կեսի մեկնարկից ընդամենը 2 րոպե անց չեխերը վերականգնեցին հաշվի հավասարությունը: Դիպուկ հարվածով աչքի ընկավ Իվան Պերիշիչը: Խաղի մյուս հատվածում երկու թիմերից և ոչ մեկին հանդիպման ընթացքը բեկել չհաջողվեց: Հիշեցնենք, որ առաջին տուրում Անգլիան 1։0 հաշվով հաղթել էր Խորվաթիային,իսկ Չեխիան՝ 2։0 հաշվով Շոտլանդիային։ Վերջին տուրից առաջ այս խմբի բոլոր հավաքականները հնարավորոթյուն ունեն դուրս գալու փլեյ-օֆ։ Ինչ խոսք Անգլիան և Չեխիան ավելի շահեկան դիրքում են, բայց․․․։ Սկզբունքային մրցավեճում երեկ անգլիացիները կարճ ասած ցուցադրեցին թույլ և անատամ ֆուտբոլ։ Եվ սա այն դեպքում երբ մրցակիցը կարգով զգալի ցածր էր։ Ուշագրավ վիճակագրություն կապված Անգլիայի հավաքականի հարձակման գծի հետ։ Այս հավաքականի կենտրոնական հարձակվող Հարի Քեյնը երեկ ևս մեկնարկային կազմում էր: «Տոտենհեմի» հարձակման առաջատարը փոխարինվեց հանդիպման 75-րդ րոպեին՝ իր տեղը զիջելով Մարկուս Ռեշֆորդին:
Եվրո-2020-ում Քեյնը մասնակցել է Անգլիայի հավաքականի երկու խաղին էլ, սակայն լինելով կենտրոնական հարձակվող՝ ոչ մի հարված չի կատարել մրցակցի դարպասին խաղադաշտում անցկացրած ընդհանուր 156 րոպեի ընթացքում:Առաջին տուրի շրջանակում Խորվաթիայի հավաքականի դեմ խաղին Քեյնը խաղադաշտում անցկացրել էր 82 րոպե:Այս երկու հանդիպումների ընթացքում Քեյնը մրցակցի դարպասի ուղղությամբ կատարել է 3 հարված, որոնցից մեկը՝ խորվաթների, երկուսը՝ շոտլանդացիների դեմ խաղում: Վիճակագրությունն ինչ խոսք մտահոգիչ է։ Նշենք նաև, որ Անգլիան գրավիչ ֆուտբոլ չէր ցուցադրել նաև Խորվաթիայի դեմ մրցավեճում։
Զարմանալի է թերևս, որ բուքմեյքերներն այս հավաքականին դասում են մրցաշարի հաղթողի հիմնական հավակնորդների շարքում։ Կարծում ենք ակնհայտ է, որ Անգլիայի հավաքականում կան խնդիրներ, որոնք հնարավոր չի լինի շտկել ընթացիկ մրցաշարի ընթացքում։ Վերջին` երրորդ տուրում, այս խմբում կմրցեն հետևյալ զույգերը` Չեխիա-Անգլիա, Խորվաթիա-Շոտլանդիա: Խաղերը կկայանան հունիսի 22-ին:
