Ֆուտբոլի Հայաստանի ազգային հավաքականը 4-րդ անընդմեջ պարտությունը կրեց պաշտոնական հանդիպումներում, այս անգամ Սկոպյեում 2։1 հաշվով զիջելով Հյուսիսային Մակեդոնիային։ Մերոնք կրկին վատ խաղացին։ Այնուամենայնիվ ի դեմս մեր հավաքականի իսպանացի գլխավոր մարզիչ Խոկին Կապառոսի, ոմանք կրկին առաջ են քաշում հայտնի թեզը, ըստ որի մեր հավաքականը արժանի չէր պարտության և խաղի արդյունքը կարող էր բոլորովին այլ լինել։
«Թիմը գոլային պահեր ունեցավ, Կարապետյանը երկու անգամ կարող էր առաջին խաղակեսում գրավել մրցակցի դարպասը, բայց չստացվեց։ Եթե մի փոքր ավելի շուտ կարողանայինք գոլ խփել, ապա կարծում եմ, որ խաղի ելքն այլ կլիներ»,- խաղից հետո ասել է Կապառոսը։ Հատկապես ազգային հավաքականի մակարդակով ցանկացած պարտություն ցավալի է, բայց դա չի նշանակում, որ շարունակելով տհաճ ավանդույթները պետք է արդարացումներ կամ մեղավորներ փնտրել։ Մեղավոր են բոլորը։ Պարոն Կապառուս, դուք ճանարված մասնագետ էր, ի՞նչ է նշանակում եթե կարողանայինք շուտ գոլ խփել արդյունքն այլ կլիներ։ Եթե-ն, ո՞րն է։ Եթե, Հարոյանին ու Համբարձումյանին մեկնարկային կազմում չընդգրկեիք 11 մետրանոց չէր լինի։ Եթե Մխիթարյանը միանար հավաքական ավելի լավ խաղային։ Եվ վերջապես, եթե խաղավարտին Հյուսիասային Մակեդոնիան օգտագործեր գոլային պահերը կպարտվեինք խոշոր հաշվով։ Այսօր կրկին ստիպված ենք հիշել չեխ գրող Յարոսլավ Հաշեկի հայտնի արտահայտությունը՝ եթե մորաքույրս տղամարդ լիներ նրան քեռի կասի․․․։ Վատ եք խաղացել, ասեք վատ ենք խաղացել, կներենք․․․։
Պարտությունները մեզ համար սովորական երևույթ են, և ոչ ոք ողբեգրություն չի դարձնում հերթական անհաջողությունը։ «Կուզեի շնորհակալություն հայտնել իմ ֆուտբոլիստներին՝ այս խաղի համար։ Հեշտ չէ 4-րդ րոպեին գոլ բաց թողնել 11 մետրանոցից։ Արդյո՞ք դա 11 մետրանոց էր, թե ոչ՝ դուք դա ավելի լավ կիմանաք։ Սակայն թիմը չհուսահատվեց և շարունակեց պայքարել մինչև վերջ: Նաև շատ շոգ էր, որը նույնպես ազդում էր թիմի վրա»,- նշել է Կապառոսը։ Վերջինս հավանաբար զարմացել է, որ 9։1 հաշվով պարտությունից հետո հայ ֆուտբոլ իստները կարող են պայքարել ։ Նա շնորհակալություն է հայտնելով ֆուտբոլիստներն նրանց ըստ էության ներկայացնում է որպես մարտիկների։ Պատկերն իսկապես տխուր է։
Տարիներ շարունակ տեսնում ենք նույն դժգույն ֆուտբոլը։ Տարիներ շարունակ մեզ փորձում են համոզվել, որ լավ խաղալով պարտվել ենք և որ ապագայում կունենք լավ հավաքական։ Ո՞րքան կարելի է։ Երկրպագուն տարիներ շարունակ սպասել է, իսկ այսօր ուղղակի չի հատավում։ Հասարակությունը հաղթանակի ծարավ է։ Ոչ ոք չի ուզում լավ խաղով պարտություններ։ Ոչ մեկին հետքարքիր չէ, ձեր արդարացումները։ Ոչ մեկին հետքրքիչ չէ շոգ է, թե դաշտում ցեխ։ Վատ խաղացեք ու հաղթեք։ Թող գոնե մի անգամ էլ մեր օգտին մրցավարը անիմաստ 11 մետրանոց նշանակի։
Նշեք սակայն, որ Մակեդոնիան սպասվածից շատ ավելի թույլ ֆուտբոլ խաղաց։ Մենք պարտվեցինք բավական թույլ խաղ ցուցադրած հավաքականին, ինչն ամոթ էր։
