Անգլիական ակումբները իրենց մարզումները կվերսկսեն մայիսին:
Այս մասին գրում է Daily Mail-ը: Անգլիական Պրեմիեր լիգայում հանդես եկող բոլոր ֆուտբոլիստները էլեկտրոնային նամակ են ստացել, որում նշված է եղել 4 կետ: Ֆուտբոլիստները մայիսի սկզբին պետք է սկսեն տնային մարզումները, պատրաստվեն մայիսի վերջին ամբողջական բազային մարզումներին, ամռանը ոչ մի արտերկրյա ճանապարհորդություն չկատարեն և ակումբների բազա ներկայանան առավելագույնը 48 ժամվա ընթացքում:
Ավելի վաղ հայտնի էր դարձել, որ Անգլիայի ֆուտբոլի առաջնության բոլոր խաղերը կարող են անցկացվել «Ուեմբլի» մարզադաշտում: «Ուեբմլի»-ի խոտածածկը շատ լավ վիճակում է, և այնտեղ կարելի է օրը մի քանի հանդիպում անցկացնել: Եվ ըստ ամենայնի, առանց հանդիսական, սակայն բոլոր հանդիպումները կհեռարձակվեն: Այս մարզադաշտում խաղերի անցկացումը կնվազեցի ֆուտբոլիստների, ֆուտբոլային վերնախավի տեղաշարժը:
Հիշեցնենք, որ ապրիլի 3-ին Անգլիայի ֆուտբոլի առաջնությունը կրկին անժամկետ հետաձգվեց: Ի սկզբանե պլանավորվում էր առաջնությունը վերսկսել ապրիլի 30-ին: Կազմակերպիչները մտադիր են առաջնությունը շարունակել միայն կորոնավիրուսի պանդեմիան նահանջելուց հետո: Անգլիայի ֆուտբոլի առաջնությունը դադարեցվել էր մարտի 13-ին` կորոնավիրուսի պանդեմիայի պատճառով:
