10 երկրների 73 պատվիրակներ հանդես եկան Ռիգայում անցկացված սպորտային մարմնամարզության միջազգային մրցաշարին:
Ստուգատեսին Հայաստանից մասնակցեց Եվրոպայի առաջնության բրոնզե Արթուր Դավթյանը: Վաստակավոր մարզիչ Հակոբ Սերոբյանի սանը գերազանցեց սպասելիքները: Նա կայուն ելութներ ունեցավ բոլոր վեց մրցաձևերում և բազմամարտում գրավեց առաջին տեղը:
Ավելին, Արթուրը վաստակեց 87 միավոր և 2.5 միավորով բարելավեց իր նախկին լավագույն արդյունքը՝ սահմանելով անձնական ռեկորդ:
22-ամյա մարզիկը գերազանց մրցելույթներ ունեցավ նաև առանձին գործիքների եզրափակիչում: Նա առաջինն էր նժույգթափեր, օղակներ, զուգափայտ, պտտաձող մրցաձևերում, իսկ ազատ վարժություններում և հենացատկերում գրավեց երկրորդ տեղը:
Մարտի 15-ին ՀՀ սպորտային մարմնամարզության հավաքականը կմեկնի Քաթար: Այնտեղ մեր թիմը 10-օրյա ուսումնամարզական հավաք կանցկացնի տանտերերի ընտրանու հետ, որը գլխավորում է ԽՍՀՄ չեմպիոն, Ալբերտ Ազարյանի դպրոցի սան, Էդվարդ Գևորգյանը: Հենց նրա տանն են հյուրընկալվելու մեր մարզիկները, որոնք կմասնակցեն մարտի 25-30-ը կայանալիք աշխարհի գավաթի խաղարկությանը:
ՀԱՕԿ մամլո ծառայություն
