Բուլղարիայի Պրավեց քաղաքում ընթացող ընկերական մրցաշարի շրջանակներում այսօր Հայաստանի մինչև 17 տարեկանների հավաքականը անցկացրեց երկրորդ հանդիպումը: Առաջին տուրում Ռումինիայի ընտրանուց խոշոր 0:4 հաշվով կրած պարտությունից հետո, մեր տղաներին հաջողվեց 4:1 հաշվով տպավորիչ հաղթանակ տոնել Հյուսիսային Իռլանդիայի հավաքականի նկատմամբ: Հայաստանի հավաքականի կազմում աչքի ընկան Էդուարդ Ավագյանը, Վարդան Բակալյանը, Համլետ Ասոյանը (11-մետրանոց) և Նարեկ Պետրոսյանը:
Բուլղարիա-Ռումինիա հանդիպումն ավարտվեց ոչ-ոքի 1:1 հաշվով:
Երկու տուրերից հետո Հայաստանի հավաքականը վաստակած երեք միավորով ընթանում է երրորդ հորիզոնականում և մեկ միավոր է զիջում առաջատարներ Բուլղարիայի և Ռումինիայի հավաքականներին: Հյուիսային Իռալնդիան դեռևս միավոր չի վաստակել:
Հունիսի 25-ին կկայանան եզրափակիչ տուրի հանդիպումները: Հայաստանի մինչև 17 տարեկանների ընտրանին կմրցի բուլղարացիների հետ, իսկ Ռումինիան կխաղա Հյուսիսային Իռլանդիայի թիմի հետ: