«Միլան»-ի նախկին կիսապաշտպան Մատյո Ֆլամինին մոտ է «Արսենալ» վերադառնալուն:
«29-ամյա ֆրանսիացու տրանսֆերի շուրջ բանակցությունները լոնդոնյան ակումբի հետ մոտենում են ավարտին, և պայմանագիրը կարող է ստորագրվել մոտական օրերի ընթացքում», – գրել է իր թվիթերյան էջում BBC-ի թղթակից Դևիդ Օրնստեյնը:
Աղբյուրի հաղորդմամբ՝ Արսեն Վենգերը մտադիր է օգտագործել Ֆլամինիին հենակետային կիսապաշտպանի կամ եզրային պաշտպանի դիրքում:
Ավելի վաղ հայտնի էր դարձել, որ ֆուտբոլիստը, ով ներկա պահին ազատ գործակալի կարգավիճակում է, մարզավիճակը չկորցնելու համար մարզվում է «Արսենալի» ընդհանուր թիմի հետ:
Հիշեցնենք, որ Ֆլամինին խաղացել է «Արսենալի» կազմում 2004-ից 2008 թվականների ընթացքում:
