«Տոտենհեմ»-ի կիսապաշտպան Գարեթ Բեյլը վաղը հանդիպում է ունենալու ակումբի նախագահ Դանիել Լևիի հետ, հայտնում է Marca-ն:
Ակումբի նախագահի ու ուելսցի խաղացողի զրույցի հիմնական թեման լինելու է ֆուտբոլիստի` «Ռեալ» տեղափոխության հարցը քննարկելը:
Մասնավորապես, Բեյլը նորից փորձելու է ակումբի ղեկավարությանը հայտնել իր` «Ռեալ» տեղափոխվելու ցանկության մասին ու խնդրելու է, որպեսզի փոխհամաձայնության գան մադրիդյան գրանդի հետ:
Հիշեցնենք, որ ավելի վաղ նշվում էր, որ «Ռեալ»-ը նույնիսկ մտածում է այս տրանսֆերից հրաժարվելու մասին, քանի որ այն շատ բարձր է գնահատվում` 100 մլն եվրո:
