Վարշավայի «Նարոդովի» մարզադաշտի մամուլի ասուլիսների սրահում կայացել է Հայաստանի ազգային հավաքականի գլխավոր մարզիչ Վարուժան Սուքիասյանի և Հայաստանի ազգային հավաքականի կիսապաշտպան Դավիթ Մանոյանի նախախաղային մամուլի ասուլիսը:
«Թիմում նորմալ տրամադրություն է, փորձում ենք մոռանալ նախորդ խաղը որքան հնարավոր է շուտ: Լավ է, որ հաջորդ խաղը արդեն վաղն է, ինչը լավ հնարավորություն է հետ բերելու մեր երկրպագուների հարգանքը: Մխիթարյանը շատ կարևոր ֆուտբոլիստ է մեր համար, թե խաղադաշտում, թե հանդերձարանում ու նրա բացակայությունը զգացվում է:
Գաղտնիք չէ, որ Լեհաստանի հավաքականը աշխարհի ուժեղ հավաքականներից մեկն է: Ուժեղ է նաև այն պատճառով, որ այդ հավաքականում խաղում է աշխարհի լավագույն հարձակվողներից մեկը:
Անշուշտ բացի Լևանդովսկիից թիմում հավաքված են շատ փորձառու ու արագ ֆուտբոլիստներ, ում մենք գիտենք թե Դորտմունդի «Բորուսիա»-ից, որտեղ խաղում էր Մխիթարյանը, թե այլ առաջնություններից: Մեզ ծանր հանդիպում է սպասվում:
Մեր մարզիչը ավելի լավ է ուսումնասիրել հակառակորդին և կասի մեզ ինչպես ճիշտ օգտագործել մեր հնարավորությունները: Լեհաստանի հավաքականում շատ վտանգավոր են եզրային ֆուտբոլիստները: Մեր թիմը վնասվաքների 5-6 ֆւոտբոլիստներ բացակայում են»,- նշել է Մանոյանը:
