Դոնեցկի «Շախտյոր»-ի և Հայաստանի ազգային հավաքականի կիսապաշտպան Հենրիխ Մխիթարյանն այսօր Մոսկվա-Լոնդոն չվերթով կմեկնի Անգլիա, որտեղից էլ կուղևորվի Լիվերպուլ և պայմանագիր կստորագրի համանուն ակումբի հետ:
Երևան-Մոսկվա չվերթով Մխիթարյանն այսօր 08:27 (չվերթը 17 րոպե ուշացումով է տեղի ունեցել) մեկնել է ՌԴ, իսկ ինքնաթիռը վայրէջք է կատարել Դոմոդեդովոյի օդանավակայանում՝ 11:00-ին:
Այդ մասին ИТАР-ТАСС-ին հայտնի է դարձել ուկրաինական ակումբում ունեցած աղբյուրից և «Զվարթնոց» օդանավակայանի աշխատակիցներից:
Նշվում է, որ անգլիական ակումբը տրանսֆերի մասին պաշտոնապես կհայտարարի առաջիկա 2-3 օրերին: Ուկրաինայի Պրեմիեր Լիգայի լավագույն ռմբարկուի հրաժարագինը կազմում է 22 մլն ֆունտ:
