Հայաստանի ազգային հավաքականի պաշտպան Հրայր Մկոյանը, ով վնասվածքի պատճառով հավաքականի կազմում չէ, 1in.am Sport-ի թղթակցի հետ խոսել է Մունդիալ 2014-ի ընտրական փուլի շրջանակներում Մալթայի հավաքականի դեմ սեփական հարկի տակ կայանալիք խաղի մասին:
«Սպասում եմ միմիայն հաղթանակ: Անպայման հաղթելու ենք: Մալթայի հավաքականի դեմ խաղերն էլ բարդ են: Բոլոր թիմերն էլ դժվարությունների են հանդիպում: Բայց կարծում եմ, որ անպայման հաղթելու ենք:
Խաչատուրովի Ասլանյանի մասին ոչինչ չեմ կարող ասել, քանի որ նրանց հետո մոտ 3 օր եմ մարզվել: Բայց եթե մարզիչը նրանց հրավիրել է, ուրեմն սպասելիքներ ունի:
Հավաքականում շատ լավ, ջերմ մթնոլորտ է: Երկրպագուներին կոչ եմ անում լինել համբերատար ու աջակցել մեր հավաքականին: Դա շատ օգնում է խաղադաշտում գտնվող ֆուտբոլիստին»:
Հիշեցնենք, որ Հայաստան – Մալթա խաղը տեղի կունենա այսօր, Վազգեն Սարգսյանի անվան «Հանրապետական» մարզադաշտում: Խաղը կմերնարկի 20:00-ին:
Լուսանկարը՝ ՀՖՖ պաշտոնական կայքին:
