Պրոֆեսիոմալ բռնցքամարտի սուպերմիջին քաշային կարգում տեղի է ունեցել WBO վարկածով աշխարհի չեմպիոնի գոտու համար նախատեսված մենամարտը:
Լաս-Վեգասում կայացած մենամարտից հետո գոտին նոր տիրակալ ունի: Արթուր Աբրահամը միավորների տարբերությամբ ցավալի պարտություն է կրել: 24-ամյա մեքսիկացի անպարտելի բռնցքամարտիկ Հիլբերտո Ռամիրեսն աննախադեպ հաջողության հասավ մարզական կարիերայում: Մրցավարների միձայան որոշմամբ հաղթանակը շնորհվեց նրան (120:108, 120:108, 120:108):
36-ամյա Արթուր Աբրահամը նախորդ պարտությունը կրել էր 2013թ.՝ զիջելով Ռոբերտ Շտիգլիցին: Այնուհետև նա կարողացել էր հաղթանակների շարք գրանցել՝ հետ բերելով գոտին:
Հավելենք, որ Աբրահամն ունի 4 պարտություն, որից 3-ը կրել է ԱՄՆ-ում: World Super Six-ի շրջանակերում նա օվկիանոսից այն կողմ զիջել էր նաև Անդրե Դիրելին և Անդրե Ուորդին:
