Մադրիդի «Ռեալ»-ն այսօր հարգանքի տուրք կմատուցի դարպասապահ Իկեր Կասիլյասին, ով մարզական կարիերան շարունակելու է «Պորտու»-ում։ Հրաժեշտի հանդիսավոր արարողությունը կայանալու է «Սանտիագո Բեռնաբեո» մարզադաշտում՝ այսօր։ Այս մասին գրում է AS-ը։
Երեկ Կասիլյասը հրաժեշտի մամլո ասուլիս էր տվել, որի ժամանակ ակումբի ղեկավար կազմից և ոչ ոք նրա կողքին չէր եղել։ Կասիլյասի ծնողները հայտարարել էին, որ ակումբի նախագահ Ֆլորենտինո Պերեսն արել է հնարավորն իրենց որդուն թիմից դուրս թողնելու համար։
Նրանք հայտարարել էին, որ Կասիլյասը երբեք լավ հարաբերություններ չի ունեցել Պերեսի հետ։ Այնուամենայնիվ, «Ռեալ»-ի նախագահն այսօրվա արարողության ժամանակ ուղեկցելու է Կասիլյասին։
Կասիլյասը «Պորտու»-ի հետ 2 տարվա պայմանագիր է ստորագրել, որի ժամկետը կարող է ինքնաբերաբար երկարաձգվել ևս 1 տարով։
