«Ինտեր»-ի նախագահ Մասիմո Մորատին հաստատել է, որ միլանյան ակումբն ընդունել է «Գալաթասարայ»-ի առաջարկը` Ուեսլի Սնեյդերի տրանսֆերի շուրջ:
«Մենք ուրախությամբ ընդունում ենք «Գլաթասարայ»-ի տրանսֆերային առաջարկը: Այժմ ամեն ինչ կախված է Ուեսլիի որոշումից»,- իտալական լրատվամիջոցները մեջբերում են Մորատիի խոսքերը:
Թուրքական ակումբը 10 մլն եվրո կվճարի հոլանդացի ֆուտբոլիստի տրանսֆերի դիմաց: Իսկ անձամբ Սնեյդերին թուրքերը նախատեսում են տարեկան 6 մլն եվրո վճարել: Սնեյդերի որոշման մասին դեռևս ոչինչ հայտնի չէ:








































