Մադրիդի «Ռեալ»-ի նախկին գլխավոր տնօրեն Խորխե Վալդանոն իր վերջին գրքում սուր քննադատության է ենթարկել թիմի նախկին գլխավոր մարզիչ Ժոզե Մոուրինյոն: Միաժամանակ Վալդանոն գովեստի խոսքեր է հասցեագրել «Բարսելոնա»-ի նախկին գլխավոր մարզչին` Պեպ Գվարդիոլային:
«Եթե Գվարդիոլան ֆուտբոլի Մոցարտն է, ապա Մոուրինյոն` Սալյերին: Վերջինս մեծագույն երաժիշտ կլիներ, եթե գոյություն չունենար Մոցարտը: Երբեք Մոուրինյոյից ֆուտբոլին վերաբերող մտքեր չեմ լսել: Մենք նրա հետ փոխհամաձայնության չենք եկել:
Ինտելեգենտությունն ու եսասիրությունը թշնամիներ են: Երբ նրանք բախվում են, հաղթում է վերջինը»,- Marca-ն մեջբերում է Վալդանոյի խոսքերը:
